Da Tumi Mɔɔ Wɔ Nyamenle Edwɛkɛ Ne Anu La Ali Wɔ Daselɛlilɛ Nu
Saa awie maa yɛ adenle kɛ yɛha edwɛkpa ne bie yɛhile ye a, yɛfa nwolɛ adenle ne yɛdi gyima kpalɛ na yɛda tumi mɔɔ wɔ Nyamenle Edwɛkɛ ne anu la ali ɔlua Baebolo ne mɔɔ yɛbabuke nu yɛagenga la azo. Bɛzile ɛhye azo wɔ ɛkenle ɛvolɛ ne kenle ko nyianu titili ne mɔɔ yɛyɛle la abo. Maangyebakyi zo neavolɛ ne maanle ɛdendɛlɛ bie mɔɔ ɔ ti ne se “Da Tumi Mɔɔ Wɔ Nyamenle Edwɛkɛ Ne Anu La Ali Wɔ Daselɛlilɛ Nu” la. Ɛkakye nuhua edwɛkɛ titili ne mɔ ɔ?
Duzu ati a tumi wɔ Gyihova edwɛkɛ ne anu tɛla yɛ ɛdeɛ ne a?—2 Tem. 3:16, 17.
Kɛzi Baebolo ne ka awie nganeɛdelɛ, na ɔmaa ye adwenle, ye nzuzulɛ nee ye subane yɛ kpalɛ ɛ?—Nea June 1, 2012 Ɛzinzalɛ Arane ne, m. 30, ɛden. 7.
Saa yɛlɛkenga ngɛlɛlera ne yɛahile awie wɔ daselɛlilɛ nu a, kɛ ɔkɛyɛ na yɛahwe adwenle yɛahɔ Nyamenle Edwɛkɛ ne azo yɛahile kɛ yɛbu Nyamenle Edwɛkɛ ne ɛ?—Nea Ɛzonlenlɛ Sukulu buluku ne, m. 148, ɛden. 3-4 yɛɛ March 2013 Yɛ Belemgbunlililɛ Gyima ne, m. 6, ɛden. 8.
Duzu ati a ɔwɔ kɛ yɛkilehile ngɛlɛlera bie mɔɔ yɛbagenga la anu na yɛ nee ahenle ne suzu nwo a, na kɛ ɔkɛyɛ na yɛayɛ ye zɔ ɛ?—Gyi. 17:2, 3; nea Ɛzonlenlɛ Sukulu buluku ne, m. 154, ɛden. 4 kɔdwu m. 156, ɛden. 5.