Edwɛkɛ Mɔɔ Yɛbaha La Neazo

Fa bɔ Baebolo ɛzukoalɛ bo wɔ Folɛ mɔɔ lumua wɔ December

“Yɛlɛkpɔkpɔla mbusua mɔɔ bɛwɔ yɛ kpalɛ ye azo la. Awovolɛ dɔɔnwo kpondɛ kɛ bɛ mra kulo Nyamenle. Ɛnea a awovolɛ bahola ahile bɛ mra, anzɛɛ ɔwɔ kɛ ngakula ne mɔ mumua ne sukoa kɛ bɛbahulo Nyamenle ɔ?” Maa ɔbua. Fa December 1 Ɛzinzalɛ Arane ne anzi kile ye, na ɛ nee ye ɛzuzu edwɛkɛ mɔɔ wɔ kpuyia mɔɔ lumua la abo yɛɛ yeanyɛ boɛ fee la nuhua ngɛlɛlera ne ko anwo. Fa magazine ne maa ye na yɛ ngyehyɛleɛ kɛ ɛbara na bɛazuzu kpuyia mɔɔ ɛha la anwo.

Ɛzinzalɛ Arane December 1

“Yɛlɛkpɔkpɔla bɛ yɛ nee bɛ abɔ Nyamenle anwo adawu ekyi. Yɛze kɛ asolo adwenle mɔɔ awie biala lɛ wɔ Nyamenle anwo a. Ɛnea a menli dɔɔnwo nwu ye kɛ ɔndwenle menli nwo anzɛɛ ɔle agɔnwolɛ mɔɔ dwenle bɛ nwo ɔ? [Maa ɔbua.] Baebolo tɛkese ɛhye ka agɔnwolɛvalɛ mɔɔ Nyamenle kulo kɛ yɛ nee ye nyia la anwo edwɛkɛ. [Kenga Gyemise 4:8a.] Magazine ɛhye ka ninyɛne nsa mɔɔ saa yɛyɛ a yɛbahola yɛabikye Nyamenle la anwo edwɛkɛ.”

Awake! December

“Yɛra bɛ nwo ɛke ɔlua ewule bie mɔɔ gyegye adwenle la ati. Ewiade Amuala Kpɔkɛdelɛ Fane ne kile kɛ saa ɛye menli nna ɛsie ahane a, nuhua ko nyia adwenle nu ngyegyelɛ mɔɔ bie a le adwenleadwenle la. Ɛnea a adwenleadwenle ɛdɔ menli dɔɔnwo anwo ɔ? [Maa ɔbua.] Baebolo ne ka kile yɛ kɛ, kenlebie anwodolɛ nee nyane bavi azɛlɛ ye azo. [Kenga Yekile 21:3, 4.] Magazine ɛhye ka edwɛkɛ bie mɔ mɔɔ ɔwɔ kɛ awie biala nwu ye wɔ adwenle nu ngyegyelɛ nwo la anwo edwɛkɛ.”