Edwɛkɛ Mɔɔ Yɛbaha La Neazo

Belemgbunlililɛ Edwɛkɛ 38 Ne

“Meboka menli mɔɔ ɛlɛbɔ nolo wɔ ewiade amuala ava edwɛkɛ ɛhye mɔɔ hyia amaa la anwo. Wɔ ɛdeɛ ɛne.”

Bɛyɛ ye nzonlɛ: Amaa wɔawie azɛlɛsinli ne anu gyima yɛ la, ka edwɛkɛ sikalɛ. Noko akee, bie a suamenle ne anye balie nwolɛ na yeahulo kɛ ɔ nee wɔ bali adwelie. Saa ɔba ye zɔ a, ɛbahola wɔabiza adwenle mɔɔ ɔlɛ wɔ kpuyia ne mɔɔ wɔ kɛlata ne azo la, kenga Baebolo ne mualɛ mɔɔ bɛhile wɔ nu la, saa mekɛ wɔ nu a bɛzuzu edwɛkɛ mɔɔ wɔ trate ne anu la foa bie anwo. Kolaa na wɔavi ɛkɛ la, fa “Dwenle Ɛhye Anwo” kpuyia ne mɔɔ wɔ ɔ nzi la kile ye na yɛ ngyehyɛleɛ sia kɔ na bɛzuzu nwolɛ.

Ɛzinzalɛ Arane December 1

“Menli ɛnlɛ alagye kenlensa ye yemɔti ɔyɛ se kɛ bɛbadwenle Nyamenle anwo. Ɛnea a ɔhyia kɛ yɛnwu Nyamenle wɔ yɛ ɛbɛlabɔlɛ nu ɔ? [Maa ɔbua.] Wɔ Gyisɛse Boka Zo Edwɛkɛhanlɛ ne mɔɔ ɛlie duma la anu, ɔhanle kɛ yɛhyia sunsum nu ­ninyɛne nwo na yɛ nye alie kpalɛ. [Kenga Mateyu 5:3.] Magazine ɛhye kile ­ninyɛne nsa mɔɔ ɔti yɛhyia Nyamenle la.”

Awake! December

“Adwenle ngakyile mɔɔ yɛ nuhua dɔɔnwo nyia la gyi edwɛkɛ mɔɔ yɛte anzɛɛ yɛkenga la azo. Ɛdwenle kɛ edwɛkɛ mɔɔ yɛte la le nɔhalɛ ɔ? [Maa ɔbua.] Baebolo ne ka kɛ yɛnlea boɛ wɔ edwɛkɛ mɔɔ yɛte a yɛdie yɛdi la anwo. [Kenga Dwobu 12:11.] Magazine ɛhye maa yɛnwu ninyɛne bie mɔ mɔɔ bamaa yɛanlea edwɛkɛ mɔɔ yɛte nee mɔɔ yɛkenga boɛ la.”