Neɛnleanu Buluku Fofolɛ

Nolobɔlɛma mgbe dɔɔnwo mɔɔ bɛwɔ ewiade amuala la ɛva Watch Tower Publications Index ne ɛyɛ neɛnleanu kpalɛ. Noko kɛmɔ nuhua edwɛkɛ ne anu pi la ati, bɛyɛ ye wɔ aneɛ ekyi bie ala anu. Ɛhye ati, bɛyɛ Gyihova Alasevolɛ Neɛnleanu Buluku ne wɔ aneɛ 170 anu. Ɛvolɛ 2000 mɔɔ ba la anu mbuluku a bɛhwe adwenle bɛhɔ zo wɔ Neɛnleanu Buluku ne anu a. Bɛtɛpelentele Neɛnleanu Buluku ne wɔ aneɛ mɔɔ bɛlɛ Index ne dɛba la anu noko bɛva bɛboka Watchtower Library nee Ɛzinzalɛ Arane​—INTANƐTE ZO MBULUKUZIELƐLEKA ne anwo. Neɛnleanu Buluku ne baboa wɔ yeamaa wɔanyia Baebolo kpuyia nwo mualɛ, wɔanwu ninyɛne mɔɔ gyegye adwenle la anwo edwɛkɛ, wɔaziezie ɛ nwo wɔamaa asafo debiezukoalɛ nee abusua ɛzonlenlɛ.