Ka Edwɛkɛtile Ko Anwo Edwɛkɛ, Na Fa Magazine Nwiɔ Ne Maa

Edwɛkɛtile ngakyile mɔɔ yɛ anyelielɛ la wɔ yɛ magazine nwiɔ ne anu. Kɛ anrɛɛ yɛbabɔ mɔdenle yɛaha edwɛkɛtile dɔɔnwo anwo edwɛkɛ wɔ anlenkɛ biala anloa la, ɔle kpalɛ kɛ yɛbaha ko ala anwo edwɛkɛ. Saa yɛyɛ debie nzonlɛ na yɛnwu magazine ne mɔ anu edwɛkɛ ne a, yɛbahola yɛakpondɛ edwɛkɛ bie wɔ Ɛzinzalɛ Arane anzɛɛ Awake! ne anu mɔɔ suamenle ne anye balie nwolɛ la. Kɛ neazo la, saa yɛnwu ninyɛne mɔɔ ngakula fa di nwɔhoa la wɔ sua nu ɛkɛ a, yɛbahola yɛaha magazine ne anu edwɛkɛ bie mɔɔ fane abusua ɛbɛlabɔlɛ nwo la anwo edwɛkɛ. Saa nrenya buke anlenkɛ ne a, yɛbahola yɛaha edwɛkɛ mɔɔ mrenya dɔɔnwo anye die nwolɛ, mɔɔ le kɛ maamulɛ kpalɛ la anwo edwɛkɛ. Yɛbaha edwɛkɛtile ko ala anwo edwɛkɛ ɛdeɛ, noko saa suamenle ne anye die nwolɛ a, ɔwɔ kɛ yɛfa magazine nwiɔ ne yɛmaa ye.