Edwɛkɛ Mɔɔ Yɛbaha La Neazo

Ngakyelɛlilɛ Ɛsalɛdolɛ Edwɛkɛ

“Yɛra ɛke kɛ yɛfa ɛsalɛdolɛ kɛlata ɛhye yɛarɛlɛ wɔ abusua ne na bɛara ɛvolɛ biala ɛvoyialilɛ mɔɔ hyia mɔɔ bɛbayɛ ye ewiade amuala wɔ March 26, la bie. Ɔle Gyisɛse ewule ne anwo ɛvoyialilɛ. Bɛbalua Baebolo ne azo bɛamaa ɛdendɛlɛ mɔɔ bɛndua nwolɛ ɛhwee la bɛava bɛahilehile kɛzi ye ewule ne baboa yɛ la anu. Ɛsalɛdolɛ kɛlata ɛhye kile ɛleka nee mekɛ mɔɔ bɛbayɛ ye la.”

Ɛzinzalɛ Arane March 1

“Bie mɔ biza kɛ, ‘Kɛzi yɛkola yɛnwu ye kɛ bɛdwazole Gyisɛse bɛvile ewule nu ɛ?’ Wɔdwenle ɛhye anwo ɛlɛ ɔ? [Maa ɔbua.] Tie deɛmɔti mualɛ ne anwo hyia la. [Kenga 1 Kɔlentema 15:14.] Magazine ɛhye kilehile kɛzi yɛkola yɛnwu ye kɛ ewudwazo ne ɛnle mɛlɛbɛla la.”

Awake! March

“Ɛdie ɛto nu kɛ ɔyɛ se kɛ bɛbanlea abusua wɔ mekɛ ɛhye anu ɔ? [Maa ɔbua.] Awovolɛ dɔɔnwo ɛnyia folɛdulɛ kpalɛ wɔ Baebolo ne anu. Kɛ neazo la, ngyehyɛnu ɛhye ɛboa selɛma ɛmaa bɛnwu adenle mɔɔ bɛbalua zo bɛahanvo bɛ mra amaa bɛanyia anwodozo la. [Kenga Kɔlɔsaema 3:21.] Edwɛkɛ ɛhye kile ngyinlazo nnu mɔɔ baboa selɛma la.”