Fa Di Gyima Tɛla Kɛ Ɛbava Wɔazie

Asafo dɔɔnwo ɛva mbuluku dɛba ne bie mɔ ɛzie. Duzu ati a ɛnlie bie ɛmboka wɔ teokelase mbuluku mɔɔ wɔva wɔzie la anwo ɛ? Ɔle zɔ, bie a ɛlɛ mbuluku dɛba ɛhye mɔ dɔɔnwo wɔ Watchtower Library mɔɔ wɔ kɔmputa zo la bie. Noko akee, saa ɛnyia buluku mumua ne bie a ɔle kpalɛ. Ɛ nee Baebolo sukoavo mɔɔ ɛlɛnyia anyuhɔlɛ la ɛlɛsukoa debie ɔ? Ka kile ye maa ɔlie mbuluku dɛba ɛhye mɔ bie na ɔbɔ ɔ bo ɔva ɔzie ɛleka mɔɔ ɔfa ye mbuluku ɔsie la. Ɔwɔ kɛ Teokelase Ɛzonlenlɛ Sukulu zo neavolɛ nea kɛ bɛlɛ mbuluku dɛba dɔɔnwo mɔɔ wɔ asafo ne anu la bie wɔ Belemgbunlililɛ Asalo mbulukuzielɛleka ne. Nvasoɛ tɛbɔ mbuluku dɛba ɛhye mɔ azo. Kɛ anrɛɛ asafo ne bava mbuluku ɛhye mɔ azie la, nea kɛzi ɔle kpalɛ kɛ yɛbava yɛali gyima a!