Teokelase Ɛzonlenlɛ Sukulu Ndinu

Bɛbazuzu kpuyia ɛhye mɔ mɔɔ doɔdoa zo la anwo wɔ Teokelase Ɛzonlenlɛ Sukulu ne anu wɔ dapɛne ne mɔɔ bɔ ɔ bo April 25, 2011 la anu. Sukulu zo neavolɛ ne bava mitini 20 ayɛ ndinu mɔɔ gyi March 7 kɔdwu April 25, 2011 dapɛne ne mɔ anu gyimalilɛ ne azo la.

1. Adenle boni a ɔlua zo ‘menli dɔɔnwo mɔɔ wɔ maanle ne anu la hakyile yɛle Dwuuma ɛ’? (Ɛst. 8:17) [w06-E 3/1 m. 11 ɛden. 3]

2. Duzu ati a bɛmanle Seetan hɔle Gyihova anyunlu ɛkɛ ne bie ɛ? (Dwo. 1:6; 2:1) [w06-E 3/15 m. 13 ɛden. 6; it-2-E m. 16 ɛden. 4]

3. Boni a ɛnee Seetan ɛlɛkile wɔ mekɛ mɔɔ ɔbizale kɛ, “Na mgbane ala yɛɛ Dwobu sulo Nyamenle a?” (Dwo. 1:9) [w94-E 11/15 m. 11 ɛden. 6]

4. Duzu ati a yɛnwu kɛ Gyihova le ‘nrɛlɛbɛvolɛ yɛɛ ye anwosesebɛ le bedevinli’ a ɔbamaa yɛanyia anwodozo ɛ? (Dwo. 9:4) [w07-E 5/15 m. 25 ɛden. 16; it-2-E m. 1190 ɛden. 3]

5. Adenle boni azo a Ɛlaefaze edwɛkɛ mɔɔ ɔhanle kɛ ‘sonla no ɛtane kɛ nzule la’ da ali kɛ ɔle Seetan adwenle ɛ? (Dwo. 15:16) [w10-E 2/15 m. 20 ɛden. 1-2]

6. Duzu a yɛkola yɛsukoa yɛfi Dwobu ɛzunlɛ ne mɔɔ wɔ Dwobu 19:2 la anu a? [w94-E 10/1 m. 32 ɛden. 1-5]

7. Duzu a boale Dwobu manle ɔgyinlanle kpundii a? (Dwo. 27:5) [w09-E 4/15 m. 6 ɛden. 17]

8. Saa awie mɔ hyia moalɛ a, kɛzi yɛbahola yɛazukoa Dwobu ɛ? (Dwo. 29:12, 13) [w02-E 5/15 m. 22 ɛden. 19; w94-E 9/15 m. 24 ɛden. 2]

9. Adenle boni azo a ɛnee Ɛlaehu folɛdulɛ ne le ngakyile wɔ Dwobu agɔnwo mɔ nsa ne ɛdeɛ ne anwo a? (Dwo. 33:1, 6) [w95-E 2/15 m. 29 ɛden. 3]

10. Kɛzi yɛdwenledwenle Gyihova nwanwane gyima ne mɔ anwo a ɔwɔ kɛ ɔka yɛ ɛ? (Dwo. 37:14) [w06-E 3/15 m. 16 ɛden. 4]