The Bible—Accurate History, Reliable Prophecy

Daselɛ boni a kile kɛ Baebolo ne ka tetedwɛkɛ a ɔle nɔhalɛ a? Baebolo nu ngapezo mɔɔ ɛra nu la boni a maa yɛnyia anwodozo kɛ kenlebie ngapezo mɔɔ wɔ Baebolo ne anu la noko bayɛ nɔhalɛ ɛ? Bɛhile kpuyia ɛhye mɔ mualɛ wɔ The Bible—Accurate History, Reliable Prophecy, mɔɔ le video nsa mɔɔ wɔ DVD ne mɔɔ se, The Bible—A Book of Fact and Prophecy, nuhua ne mɔɔ tɔ zo nsa la anu. Ɛnea video ɛhye ɛwie a, asoo ɛbahola wɔaye kpuyia ɛhye mɔ anloa?

(1) Nwane a nɔhalɛ edwɛkɛ mɔɔ wɔ Baebolo ne anu la Vi ye ɛkɛ a? (Dan. 2:28) (2) Kɛzi Baebolo ne ka tete Yigyibiti anwo edwɛkɛ nɔhalɛ ɛ, na kɛzi ngapezo mɔɔ bɛhɛlɛ ye wɔ Ayezaya 19:3, 4 la rale nu ɛ? (3) Kɛzi menli mɔɔ tudu azɛlɛ nwo la ɛmaa edwɛkɛ mɔɔ Baebolo ne hanle ye wɔ Aseleama, bɛ arelemgbunli nee Aselea ɛzɛkyelɛ nwo la ɛyɛ nɔhalɛ ɛ? (Nah. 3:1, 7, 13) (4) Babelɔn anwo ngapezo boni mɔ a ɛra nu a? (Gyɛ. 20:4; 50:38; 51:30) (5) Ngapezo mɔɔ fane Medo-Persia anwo la boni a ɛra nu a? (Aye. 44:28) (6) Kɛzi Daneɛle 7:6 nee 8:5, 8 rale nu wɔ Gilisi anwo ɛ? (7) Kɛzi Daneɛle 7:7 rale nu wɔ mekɛ mɔɔ Wulomu bɔle ɔ bo kɛ ɔdi ewiade tumi la ɛ? (8) Siza boni mɔ a bɛha bɛ nwo edwɛkɛ wɔ Baebolo ne anu a? (9) Duzu a dole Keleseɛnema wɔ Nero tumililɛ bo a? (10) Kɛzi ngapezo ne mɔ mɔɔ wɔ Yekile 13:11 nee 17:10 la rale nu ɛ? (11) Duzu a maa yɛnwu belemgbunli ne mɔɔ tɔ zo mɔtwɛ la ɛ? (12) Video ne anu ninyɛne boni mɔ a di daselɛ kɛ edwɛkɛ mɔɔ wɔ Nolobɔvo ne 8:9 la le nɔhalɛ a? (13) Ngapezo boni mɔ a ɛlɛkendɛ ɛsesebɛ kɛ bɛbara nu kenlebie a? (14) Kɛzi ɛbava video ɛhye wɔaboa awie mɔ wɔamaa bɛalie bɛali kɛ Baebolo ne vi Nyamenle ɛkɛ a?