Saa Ɛhyia Aneɛ Gyɛne Bie Anu Buluku Ndɛndɛ A

Ɔyɛ a yɛyia menli mɔɔ kulo kɛ bɛnyia yɛ mbuluku ne bie wɔ aneɛ gyɛne mɔɔ yɛ asafo ne ɛnlɛ bie la anu. Asoo ɛze kɛ saa ɛlɛ Intanɛte nee printa a ɛbahola wɔaprinte buluku ne bie wɔ aneɛ 400 anu ɔ? Kɛzi ɛbahola wɔayɛ ye la a bɛhile ye wɔ ɛke la:

• Buke www.watchtower.org, yɛ Intanɛte address ne.

• Ɛbuke a, ɛ sa fema zo ɛbanwu kɛ bɛhile aneɛ ekyi wɔ ɛkɛ. Klik azɛlɛ nwo nvoninli ne azo na ɛbanwu aneɛ kɔsɔɔti mɔɔ wɔ ɛkɛ la.

• Klik aneɛ mɔɔ ɛkpondɛ la azo. Ɛbanwu mbuluku mɔɔ le kɛ trate nee brohyua nee edwɛkɛ mɔɔ ɛbahola wɔaprinte bie la. Kɛmɔ wɔklik aneɛ mɔɔ ɛkpondɛ azo la ati, saa wɔangola wɔangenga edwɛkɛtile ne mɔ a mmamaa ɔgyegye wɔ.

• Klik edwɛkɛ biala mɔɔ wɔ ɛkɛ la azo. Edwɛkɛ ne anu babuke na wɔahola wɔaprinte wɔavi kɔmputa ne azo.

Mbuluku ekyi bie ala a wɔ yɛ Intanɛte address ɛleka ne a; ɛbahola wɔalua asafo ne azo wɔanyia mbuluku mɔɔ ɛha la. Saa ɛnyia awie mɔɔ anye die edwɛkɛ ne anwo la a, ɔle kpalɛ kɛ ɛbalua asafo ne azo wɔahɛla mbuluku wɔamaa ye.