Kpuyia Ɛleka

◼ Nwane a ɔle ye gyima kɛ ɔsiezie Belemgbunlililɛ Asalo ɛkɛ a?

Gyima mɔɔ yɛyɛ yɛfa yɛsiezie Belemgbunlililɛ Asalo ɛkɛ la le yɛ ɛzonlenlɛ nwuanzanwuanza ne foa mɔɔ hyia. Organized buluku ne ka ye wɔ mukelɛ 121 kɛ: “Ɔwɔ kɛ menli mɔɔ kɔ Belemgbunlililɛ Asalo ne anu la bu ye kɛ ɔle nwolɛ adenle kɛ bɛboa Belemgbunlililɛ Asalo ne wɔ ezukoa afoa nu na bɛtu bɛ nwo bɛmaa bɛsiezie ɛkɛ, bɛmaa ɔyɛ kɛnlɛma na bɛyɛ nwolɛ debie mɔɔ kɛzɛkye la boɛ. Ɔwɔ kɛ Belemgbunlililɛ Asalo ne anu nee nwolɛ kile kɛ ɔle Gyihova ahyehyɛdeɛ ne ɛdeɛ.” Kɛmɔ yɛkɔ Belemgbunlililɛ Asalo ne anu fane dɔɔnwo wɔ dapɛne biala anu la ati, ɔhyia kɛ dahuu yɛsiezie ɛkɛ na yɛbɔ nwolɛ bane. (2 Edk. 34:10) Ɔwɔ kɛ bɛfa dapɛne biala Belemgbunlililɛ Asalo ɛkɛ ne ɛziezielɛ nee mɔɔ ɔwɔ kɛ bɛyɛ la bɛbɔ nolobɔlɛ ɛleka ne. Ɔwɔ kɛ daselɛlilɛ ekpunli ne mɔ kyɛ na bɛsiezie asalo ɛkɛ ne dapɛne biala. Saa asafo dɔɔnwo yia wɔ Belemgbunlililɛ Asalo ɛkɛ a, ɔwɔ kɛ mgbanyima ne mɔ yɛ ngyehyɛleɛ na bɛnwu ye kɛ asafo biala banyia nwolɛ adenle aziezie Belemgbunlililɛ Asalo ɛkɛ ne dapɛne biala. Ɔrɛla ye kɛ yɛ muala yɛbavi anyelielɛ nu yɛaboa yɛamaa ɛleka mɔɔ yɛsonle Gyihova la ayɛ bɔkɔbɔkɔ.—1 Pita 1:16.