Duzu A Baebolo Ne Ka a?
Asoo sonla a vale asɔne rale a?
MENLI BIE MƆ DIE DI kɛ sonla a vale asɔne rale a; bie mɔ noko dwenle kɛ Nyamenle dua asɔne zo maa menli twe bikye ye. Kɛzi ɛdwenle nwo ɛ?
MƆƆ BAEBOLO NE KA LA
“Nyamenlezonlenlɛ kpalɛ mɔɔ evinli biala ɛnle nwolɛ wɔ Nyamenle Selɛ ne anyunlu la” wɔ ɛkɛ. (Gyemise 1:27) Ɛzonlenlɛ mɔɔ anwo te anzɛɛ ɔle nɔhalɛ la vi Nyamenle ɛkɛ.
DEBIE BIEKO MƆƆ YƐSUKOA YƐFI BAEBOLO NE ANU LA
Ɔwɔ kɛ asɔne bie maa ye ngilehilelɛ gyinla Baebolo nu nɔhalɛ ne azo amaa yeazɔ Nyamenle anye.—Dwɔn 4:23, 24.
Asɔne mɔɔ ye ngilehilelɛ gyi sonla nzuzulɛ zo la le mgbane.—Maake 7:7, 8.
Asoo nwolɛ hyia kɛ ɛbaboka asɔne bie anwo ɔ?
DUZU A ƐBAHA A?
Ɛhɛe
Kyɛkyɛ
Bie a
MƆƆ BAEBOLO NE KA LA
“Bɛmaa yɛdwenle yɛkpondɛ adenle mɔɔ yɛdua zolɛ a yɛkɛhulo yɛ nwo ngoko ngoko, na yɛkɛyɛ gyima kpalɛ la. Bɛmmamaa yɛgyakyi kɛ yɛkɛhɔ yɛ nyianu ne.” (Hibuluma 10:24, 25) Nyamenle kulo kɛ ye azonvolɛ yia nu kɛ ekpunli ko.
DEBIE BIEKO MƆƆ YƐSUKOA YƐFI BAEBOLO NE ANU LA
Ɔwɔ kɛ bɛdabɛ mɔɔ bɛbɔ nu bɛsonle Nyamenle la diedi yɛ ko.—1 Kɔlentema 1:10, 11.
Menli mɔɔ wɔ ɛzonlenlɛ mɔɔ Nyamenle die to nu la bɔ nu yɛ ewiade amuala mediema.—1 Pita 2:17.