Foa 6 Mukenye

Mɔɔ Yizilayɛma dwule Ɛwɔkɛ Azɛlɛ ne azo la, ɛnee ɛdanlɛsua ne a le ɛleka mɔɔ nɔhalɛ ɛzonlenlɛ kɔ zo wɔ ɛkɛ a. Ɛsɔfoma hilehilele Mɛla ne yɛɛ ndɛnebuavolɛma hilele maanle ne adenle. Foa ɛhye maa yɛnwu kɛzi awie kpɔkɛzilɛ nee ye nyɛleɛ kola ka awie mɔ la. Ɛnee ɔwɔ kɛ Yizilayɛnli biala yɛ mɔɔ le kpalɛ wɔ Gyihova nee ɔ gɔnwo sonla anye zo la. Ɔka kɛzi mɔɔ Dɛbola, Nawome, Dwɔhyua, Hana, Gyɛfeta ara raalɛ ne yɛɛ Samoɛle yɛle la boale bɛ menli ne la. Ɔmaa yɛnwu kɛzi menli bie mɔɔ bɛnle Yizilayɛma le kɛ Releehabe, Wulutu yɛɛ Gyeeyɛle bɔbɔ hɔle Yizilayɛma afoa ɔluakɛ ɛnee bɛze kɛ Nyamenle nee bɛ lua la.