Asoo Gyihova Alasevolɛ Yɛ Edwɛkpatɛlɛvolɛ Gyima?

Ɛhɛe. Ɛleka biala mɔɔ Gyihova Alasevolɛ de la, bɛbɔ mɔdenle kɛ bɛda edwɛkpatɛlɛvolɛ subane ali, yemɔti bɛka bɛ diedi ne anwo edwɛkɛ bɛkile menli mɔɔ bɛkɛyia bɛ la.​—Mateyu 28:19, 20.

Bieko, Alasevolɛ bie mɔ kɔ bɛ maanle ne ɛleka gyɛne mɔɔ menli mɔɔ wɔ ɛkɛ ne ɛtɛtele Baebolo ne anu edwɛkpa ne la. Bie mɔ noko fi bɛ maanle nu na bɛkɔ maanle gyɛne zo bɛkɔka edwɛkpa ne. Bɛ nye die kɛ bɛlɛboa bɛamaa Gyisɛse edwɛkɛ ɛhye mɔɔ ɔhanle la ara nu kɛ: “[Bɛbali] me nwo daselɛ . . . bɛahɔdwu aleɛabo ɛleka biala.”​—Gyima ne 1:8.

Yɛdele sukulu bie mɔɔ yɛfa yɛtete yɛ edwɛkpatɛlɛvolɛma ne la wɔ ɛvolɛ 1943. Ɔvi mekɛ zɔhane toonwo mɔɔ ba la yɛtete Alasevolɛ mɔɔ bo 8,000 wɔ sukulu ɛhye mɔɔ yɛfɛlɛ ye Ɛzinzalɛ Arane Geleade Baebolo Sukulu la anu.