Asoo Sunsum Ɛtane Ne Mɔ Wɔ Ɛkɛ Ne Amgba Ɔ?

Baebolo ne bua kɛ

Ɛhɛe. Sunsum ɛtane ne mɔ le ‘anwumabɔvolɛma mɔɔ vonle’ na bɛdele atua bɛtiale Nyamenle la. (2 Pita 2:4) Anwumabɔvolɛ mɔɔ limoa rayɛle ɔ nwo sunsum ɛtane la a le Seetan Abɔnsam mɔɔ Baebolo ne fɛlɛ ye “mbɔnsam kpanyinli” la.​—Mateyu 12:24, 26.

Nowa mekɛ zo atuadelɛ ne

Baebolo ne ka anwumabɔvolɛma mɔɔ dele atua kolaa na Nowa mekɛ zo Azuyilɛ ne ara la anwo edwɛkɛ kɛ: “Anwomanyunlu menli bie nwunle kɛ menli amra mraalɛ ne mɔ anwo yɛ fɛ; yemɔti bɛvale mɔɔ bɛdabɛ bɛkulo la bɛgyale bɛ.” (Mɔlebɛbo 6:2) Anwumabɔvolɛ atisesebɛ ɛhye mɔ ‘kpole bɛ gyinlabelɛ kpalɛ ne’ mɔɔ wɔ anwuma la na bɛvale sonla nwonane bɛkpolole amaa bɛ nee mraalɛ ala.​—Dwuudu 6.

Azuyilɛ ne rale la, anwumabɔvolɛma mɔɔ dele atua la kpolole bɛ sonla nwonane ne guale na bɛziale bɛhɔle anwuma. Noko, Nyamenle ammaa bɛamboka ye abusua ne anwo. Mɔɔ ɛnee boka bɛ anzohwenlɛ ne anwo la a le kɛ, bɛangola bɛangakyi bɛ nwo menli bieko.​—Ɛfɛsɛsema 6:11, 12.