Duzu A Nyamenle Belemgbunlililɛ Ne Bayɛ A?

Baebolo ne bua kɛ

Bɛbava Nyamenle Belemgbunlililɛ ne bɛazie alesama arane kɔsɔɔti agyakɛ anu na yeali tumi wɔ azɛlɛ ye azo amuala. (Daneɛle 2:44; Yekile 16:14) Ɛhye anzi, Nyamenle Belemgbunlililɛ ne . . .

• Baye amumuyɛma mɔɔ bɛ angomedi subane ne gyegye yɛ muala la avi ɛkɛ. “Bɛbaye amumuyɛma bɛavi azɛlɛ ne azo.”​—Mrɛlɛbulɛ 2:22.

• Bamaa konle kɔsɔɔti ara awieleɛ. “[Nyamenle maa] bɛgyakyi konle wɔ azɛlɛ ye amuala azo.”​—Edwɛndolɛ 46:9.

• Bamaa yɛakpazi na yɛanyia anwobanebɔlɛ wɔ azɛlɛ ye azo. “Awie biala badɛnla ye vanye egyinli nu, yɛɛ ye feege mbaka bo anzonudwolɛ nu; awie ɛnrɛha bɛ ɛzulolɛ.”​—Maeka 4:4.

• Bamaa azɛlɛ ne ayɛ paladaese. “Ɛsɛlɛ nee azɛlɛ resee bali fɛlɛko, fienemgbole anye balie, zolɛ abɔ ndotolo.”​—Ayezaya 35:1.

• Bamaa awie biala anyia gyima kpalɛ mɔɔ yɛ anyelielɛ la. ‘Menli ne mɔɔ [Nyamenle] ɛkpa nu ɛye bɛ la badidi bɛ sa anloa gyima nwo bɛ nye alie ahyɛ. Bɛnrɛvɛ ɛvɛlɛ mgbane.’​—Ayezaya 65:21-23.

• Baye ewule ngakyile avi ɛkɛ. “Na awie biala mɔɔ wɔ sua ne azo la ɛnrɛha kɛ, ‘Me nwo ɛdo me.’”​—Ayezaya 33:24.

• Baye ɛrelera ɛyɛlɛ avi ɛkɛ. “Maa ye nwonane ɛzia ɛyɛ kɛ ye mgbavolɛ nu, na ɔnyia ye mgbavolɛ nu anwosesebɛ ne bieko.”​—Dwobu 33:25.

• Bamaa mowuamra ara ngoane nu bieko. “Mɔwuamra amuala bade [Gyisɛse ane] wɔ bɛ nla ne mɔ anu, na bɛvi bɛ nla ne mɔ anu bɛbavinde.”​—Dwɔn 5:28, 29.