Asoo Alesama Kɔsɔɔti Bahola Adɛnla Koyɛlɛ Nu?​—Duzu A Baebolo Ne Ka A?

Menli dɔɔnwo suzu kɛ alesama ɛnrɛhola ɛnrɛdɛnla koyɛlɛ nu

• “Wɔ ewiade amuala, menli nu nyeyenu kɔ zo sɛkye gyima, ɔsɛkye menli avinli yɛɛ menli ɛbɛlabɔlɛ. Ɔmaa menli kɔ zo sisi awie mɔ.”​—António Guterres, UN Secretary-General.

Alesama bahola adɛnla koyɛlɛ nu ɔ? Duzu a Baebolo ne ka a?

Kɛzi Nyamenle bu alesama kɛ bɛle ko la

Baebolo ne maa yɛnwu kɛzi Nyamenle bu menli kɔsɔɔti la.

• ‘Nyamenle maanle menli mɔɔ wɔ maanle kɔsɔɔti anu la luale sonla ko anwo zo rale kɛ bɛradɛnla azɛlɛ ye ɛleka biala.’​—Gyima ne 17:26.

• “Nyamenle ɛnnea sonla nyunlu, na wɔ maanle biala anu awie biala mɔɔ sulo ye na ɔyɛ mɔɔ ɔle tenlene la, ɔdie ye ɔto nu.”​—Gyima ne 10:34, 35.

Baebolo ne maa ɔda ali kɛ alesama kɔsɔɔti vi abusua ko anu yɛɛ Nyamenle die menli kɔsɔɔti to nu.

Kɛzi alesama bahola adɛnla koyɛlɛ nu la

Nyamenle Belemgbunlililɛ ne, mɔɔ le anwuma arane la bamaa alesama kɔsɔɔti adɛnla koyɛlɛ nu. Arane zɔhane bahilehile menli yeamaa bɛ nee awie mɔ ali ye wɔ adenle kpalɛ zo. Bɛbahilehile menli bamaa bɛaye menli nwo adwenletane biala mɔɔ bɛlɛ la bɛavi ɛkɛ.

• “Menli mɔɔ de azɛlɛ ne azo la [bazukoa] tenleneyɛlɛ.”​—Ayezaya 26:9.

• “Anzodwolɛ bavi nɔhalɛ tenleneyɛlɛ nu ara, yɛɛ nɔhalɛ tenleneyɛlɛ bazo anwodɔlɛ nee banebɔlɛ mɔɔ wɔ ɛkɛ ne dahuu la.”​—Ayezaya 32:17.

Ɛnɛ menli mgbe dɔɔnwo ɛlɛsukoa kɛzi bɛbabu awie mɔ na bɛali bɛ eni la avi Baebolo ne anu.

• Amaa wɔazukoa nwolɛ ninyɛne dɔɔnwo la, kenga Awake! ne mɔɔ ɔ ti ne se “Is There a Cure for Prejudice?” la.

• Kenga edwɛkɛ ne mɔɔ se “Talking to Children About Racism” la, na nwu kɛzi awovolɛ nee bɛ mra bahola azuzu edwɛkɛtile ɛhye anwo wɔ sua nu la.