Etu Mɔɔ Bɛtoto Ye Wɔ Sukulu​—Duzu A Baebolo Ne Ka A?

Wɔ May 24, 2022, edwɛkɛ bie mɔɔ yɛ alɔbɔlɛ la zile wɔ sua ekyi bie mɔɔ bɛfɛlɛ ye Uvalde mɔɔ wɔ Texas, U.S.A. la azo. The New York Times, adwelie kɛlata ne bɔle amaneɛ kɛ, “nrenyia bie mɔɔ lɛ etu la hunle sukulu ngakula 19 yɛɛ kilehilevolɛma 2 . . . wɔ Robb Elementary School.”

Ɔyɛ alɔbɔlɛ kɛ edwɛkɛ ɛhye mɔ ta si ɛnɛ la. USA Today adwelie kɛlata ne bɔle amaneɛ kɛ wɔ United States angomekye, “bɛtotole adu 249 wɔ sukulu nu wɔ ɛkenle ɛvolɛ ne​—ɛhye tɛla biala ɔvi ɛvolɛ 1970 mɔɔ ba la.”

Duzu ati a ninyɛndane ɛhye mɔ sisi a? Kɛ ɔkɛyɛ na yɛagyinla ninyɛndane ɛhye mɔ anloa ɛ? Asoo anyelazo wɔ ɛkɛ ne kɛ basabasayɛlɛ ɛhye mɔ abo bapɛ ɔ? Baebolo ne maa yɛnyia kpuya ɛhye mɔ anwo mualɛ.

Duzu ati a basabasayɛlɛ ɛlɛkɔ ɔ nyunlu zɛhae a?

•  Baebolo ne ka yɛ mekɛ ye anwo edwɛkɛ kɛ ɔle “mekɛ mɔɔ li awieleɛ” mɔɔ menli dɔɔnwo ɛnrɛnyia “sonla nwo ɛlɔlɛ” a, na bɛ nwo bayɛ “ɛzulolɛ,” kile kɛ bɛbava bɛ nwo bɛawula basabasayɛlɛ nu na bayɛ ninyɛndane dɔɔnwo. Amumuyɛma ɛhye mɔ “bahɔ bɛ nyunlu wɔ ɛtaneyɛlɛ nu.” (2 Timote 3:1-5, 13) Saa ɛkulo kɛ ɛsukoa dɔɔnwo a kenga edwɛkɛ mɔɔ se, “Did the Bible Predict the Way People Think and Act Today?” la.

Menli dɔɔnwo biza kɛ, ‘Duzu ati a Nyamenle ɛnzi ngyegyelɛ le kɛ etu mɔɔ bɛtoto ye wɔ sukulu nu la adenle a?’ Saa ɛkulo kɛ ɛnwu mualɛ ne a kenga edwɛkɛ, “Esiane To Kpalɛma​—Kɛmɔti Ɛ?”

Kɛ ɔkɛyɛ na yɛagyinla amumuyɛyɛlɛ ɛhye anloa ɛ?

•  “Debie biala mɔɔ bɛhɛlɛ bɛdo ɛkɛ ne la, bɛhɛlɛ bɛmaa yɛ ɛhilehilelɛ, amaa yɛalua . . . Ngɛlɛlera ne anu arɛlekyekyelɛ zo yɛanyia anyelazo.”​—Wulomuma 15:4.

Baebolo ngyinlazo bahola aboa wɔ yeamaa wɔagyinla basabasayɛlɛ mɔɔ ɛbu zo wɔ ewiade ye anu la anloa. Ɛkpondɛ nwolɛ edwɛkɛ dɔɔnwo a, nea Awake! magazine mɔɔ se, “Will Violence Ever End?” la anu.

Kenga nzuzulɛ mɔɔ awovolɛ bahola ava aboa bɛ mra bɛamaa bɛagyinla amaneɛbɔlɛ mɔɔ ka ɛzulolɛ nloa la anwo edwɛkɛ wɔ edwɛkɛ mɔɔ se, “Disturbing News Reports and Your Children” la anu.

Asoo basabasayɛlɛ bara awieleɛ?

•  “Ɔbalie bɛ yeavi nzisi nee basabasayɛlɛ nu.”​—Edwɛne 72:14.

•  “Bɛbabolo bɛ konle dadeɛ ne mɔ bɛayɛ funduazɛlɛ na bɛabolo bɛ atwɛ ne mɔ bɛayɛ ɛyazonlɛ mbulalɛ. Maanle bie ɛnrɛva konle dadeɛ ɛnrɛra maanle gyɛne nwo zo, yɛɛ bɛnrɛzukoa konle ɛhonlɛ bieko.”​—Maeka 4:3.

Nyamenle bayɛ mɔɔ alesama ɛngola ye yɛ la. Ye anwuma arane ne bazɛkye akodeɛ kɔsɔɔti na yeamaa basabasayɛlɛ ara awieleɛ. Saa ɛkulo kɛ ɛnwu mɔɔ Nyamenle Belemgbunlililɛ ne bayɛ la anwo edwɛkɛ dɔɔnwo a kenga edwɛkɛ mɔɔ se, “Under God’s Kingdom ‘Peace Will Abound’” la.