Kɛzi Ɛbade Ndonwo Mɔɔ Wɔ Baebolo Ne Anu Abo La

Ndonwo dɔɔnwo wɔ Baebolo ne anu. Noko ɔyɛ se ɔmaa menli mɔɔ kenga Baebolo ne la anu dɔɔnwo kɛ bɛbade ɔ bo. (Mat. 13:13) Duzu a bahola aboa wɔ amaa wɔade ndonwo mɔɔ wɔ Baebolo ne anu la abo kpalɛ a? Sɔ ninyɛne ɛhye mɔ nea:

• Nwu edwɛkɛ mɔɔ bɛlɛka la nee debie mɔɔ bɛlɛfa bɛatoto nwo la. Ndonwo fa edwɛkɛ bie toto debie gyɛne bie anwo. Kɛ neazo la, Yekile 3:3 fa Gyisɛse ɛralɛ ne (edwɛkɛ ne) toto kɛzi awule bawua la (ndonwo ne) anwo.

• Nwu kɛzi edwɛkɛ ne nee deɛ mɔɔ bɛlɛfa bɛatoto nwo la zɔho bɛ nwo la. Dwenle deɛmɔti bɛva debie bie bɛtoto fofolɛ nwo nee kɛzi bɛzɔho bɛ nwo la anwo.

• Bɔ mɔdenle te mɔɔ ɔkile la abo. Ɔdwu mekɛ ne bie a bie mɔ ɛnde ndonwo ne mɔɔ bɛlɛyɛ la abo. Wɔ neazo ne mɔɔ yɛha nwolɛ edwɛkɛ wɔ anwuma ɛkɛ ne la anu, Gyisɛse ɛmba kɛ ɔba yearawua debie. Emomu, edwɛkɛ mɔɔ boka nwo la maa yɛnwu kɛ ɔbara kɛ awule la, mɔɔ kile kɛ ɔbara mekɛ mɔɔ menli anye ɛnla yɛɛ bɛnrɛbɔ ye nolo.