Mia Anwodozo Mɔɔ Ɛlɛ Kɛ Gyihova Bahola Alie Wɔ La Anu

Kenga Nɔmbɛse 13:25–14:4 na nea kɛzi Yizilayɛma hilele kɛ bɛnlɛ Gyihova anu anwodozo la.

Suzu edwɛkɛ mɔɔ ɛnee ɛlɛsisi la anwo. Mɔɔ Yizilayɛma ɛlɛfi Yigyibiti la, duzu ati a anrɛɛ ɔwɔ kɛ bɛnyia anwodozo kɛ Gyihova bahola alie bɛ ɛ? (Edw. 78:​12-16, 43-53) Duzu a maanle anwodozo mɔɔ bɛlɛ wɔ Gyihova anu la minlinle a? (Dit. 1:​26-28) Anwodozo boni a Dwɔhyua nee Keelɛbe nyianle ye wɔ Gyihova anu a?—Nɔm. 14:​6-9.

Sukoa dɔɔnwo. Duzu a anrɛɛ ɔwɔ kɛ Yizilayɛma yɛ amaa bɛanyia Gyihova anu anwodozo kpole a? (Edw. 9:10; 22:4; 78:11) Duzu ati a ɔwɔ kɛ yɛbu Gyihova amaa yɛanyia ye nu anwodozo a?—Nɔm. 14:11.

Kpondɛ ɛzukoalɛdeɛ mɔɔ wɔ nu la. Biza ɛ nwo kɛ:

• ‘Tɛnlabelɛ boni mɔ a bahola azɔ anwodozo kpole mɔɔ melɛ wɔ Gyihova anu la anlea a?’

• ‘Duzu a mebahola meayɛ ye kɛkala amaa meanyia anwodozo kpole wɔ Gyihova anu ɛnɛ nee kenle bie ɛ?’

• ‘Anwodozo boni a melɛ wɔ mekɛ mɔɔ anwongyelelɛ kpole ne ɛlɛbikye la ɛ?’—Luku 21:​25-28.