Sukoa Na Ka Bie Kile Awie Mɔ

Saa yɛsukoa debie a ɔmaa yɛ ahonle tɔ yɛ azule nu, noko saa yɛka sunsum nu ninyɛne ngɛnlɛma mɔɔ yɛnwunle ye la bie yɛkile awie mɔ a, ɔmaa yɛ nye die kpalɛ. Mrɛlɛbulɛ 11:25 ka kɛ: “Mɔɔ maa awie mɔ anwo tɔ bɛ la noko anwo badɔ ye.”

Saa yɛka mɔɔ yɛzukoa la bie yɛkile awie mɔ a, ɔboa yɛ ɔmaa yɛkakye edwɛkɛ titili ne mɔ ndɛndɛ na yɛte ɔ bo kpalɛ. Yɛɛ kɛmɔ sunsum nu ninyɛne mɔɔ yɛnwunle ye la baboa awie mɔ noko la ati, saa yɛka yɛkile bɛ a, ɔmaa yɛ nye die.—Gyi. 20:35.

Sɔ ɛhye nea: Wɔ dapɛne mɔɔ ɛlɛba la anu, kpondɛ nwolɛ adenle ka mɔɔ wɔzukoa la bie kile awie gyɛne. Ɛbahola wɔaha wɔahile awie mɔɔ wɔ wɔ asafo ne anu, ɛ gɔnwo gyimayɛvo, awie mɔɔ ɛ nee ye kɔ sukulu, awie mɔɔ de bikye wɔ anzɛɛ awie mɔɔ ɛbayia ye wɔ daselɛlilɛ nu la. Bɔ mɔdenle kɛ ɛbava ɛdawɔ mumua ne wɔ edwɛkɛ wɔahilehile nu sikalɛ wɔamaa nuhua ala ɛkɛ.

Kakye ɛhye: Ka mɔɔ ɛsukoa la bie kile awie mɔ fa maa bɛ anwosesebɛ na tɛ kɛ ɛmaa bɛ nye alie ɛ nwo.—1 Kɔl. 8:1.