Nyia Nvoninli Ne Azo Nvasoɛ Kpalɛ

Nvoninli dɔɔnwo mɔɔ kilehile yɛ ninyɛne mɔɔ anwo hyia la wɔ yɛ mbuluku nee ninyɛne ngakyile nu. Kɛ ɔkɛyɛ na wɔanyia nvoninli ɛhye mɔ azo nvasoɛ kpalɛ ɛ?

• Dimoa nea nvoninli ne kolaa na wɔagenga edwɛkɛ ne. Bie a nvoninli ne mɔ bayɛ wɔ kɛnlɛma na yeaha wɔ yeamaa wɔagenga edwɛkɛ ne. Kɛ neazo la, saa yɛnwu aleɛ mɔɔ yɛ fɛ la a, yɛ nwo pele yɛ kɛ yɛbali, ɔti ɛnyelɛ ne a dimoa “sɔ debie nea” a. Yemɔti biza ɛ nwo kɛ, ‘Duzu a menwu ye a?’—Emɔso 7:​7, 8.

• Mekɛ mɔɔ ɛgua zo ɛlɛkenga edwɛkɛ ne la, dwenle deɛmɔti bɛvale zɔhane nvoninli ne bɛlile gyima la anwo. Saa bɛhɛlɛ nvoninli ne anwo edwɛkɛ anzɛɛ nwolɛ ngilenu wɔ nwolɛ a, kenga. Suzu kɛzi nvoninli ne fale edwɛkɛ mɔɔ bɛlɛkilehile nu la anwo la nee kɛzi ɔfale ɛdawɔ mumua ne wɔ ɛbɛlabɔlɛ nwo la.

• Saa ɛkenga edwɛkɛ ne ɛwie a, dua nvoninli ne mɔ azo ti edwɛkɛ titili mɔɔ wɔ nu la anu. Akee bɔ mɔdenle kɛ ɛbahakye nvoninli ne mɔ nee debie titili mɔɔ nvoninli ko biala maa ɛsukoa la.

• Sia nea nvoninli ne mɔ mɔɔ wɔ Ɛzinzalɛ Arane ɛhye anu la na nea saa ɛbahola wɔahakye ninyɛne mɔɔ ɛzukoale la a.