Awovolɛ—Bɛboa Bɛ Mra Bɛmaa Bɛva Nrɛlɛbɛ Ne Mɔɔ Vi Gyihova Ɛkɛ La Bɛyɛ Gyima

Adenle titili ko mɔɔ awovolɛ dua zo maa bɛ mra nyia Gyihova ɛkɛ nrɛlɛbɛ la a le kɛ bɛbaboa bɛ bɛamaa bɛanyia Kilisiene ayia ne mɔ azo nvasoɛ. Saa ngakula kɔ debiezukoalɛ a, mɔɔ bɛte, mɔɔ bɛnwu ye nee bɛ mualɛ maa bɛsukoa Gyihova anwo debie na bɛbayɛ ɔ gɔnwo mɔ. (Di 31:​12, 13) Saa ɛle wovolɛ a, kɛzi ɛbahola wɔaboa ɛ ra wɔamaa yeanyia debiezukoalɛ ne mɔ azo nvasoɛ kpalɛ a?

• Bɔ mɔdenle kɔ debiezukoalɛ wɔ belemgbunlililɛ asalo.—Ed 22:22

• Kolaa na bɛabɔ debiezukoalɛ bo nee mekɛ mɔɔ bɛkpɔne la, nyia mekɛ ɛ nee mediema ɛli adwelie.—Hi 10:25

• Nea kɛ kakula ko biala lɛ mbuluku mɔɔ yɛsukoa ye wɔ debiezukoalɛ bo la bie, saa ɔle ɛlɛtɔlɔneke anzɛɛ mɔɔ bɛpelente la a

• Boa ɛ ra ne maa ɔva ye edwɛkɛ ɔziezie ye mualɛ.—Mt 21:​15, 16

• Ka debiezukoalɛ ne mɔ nee adehilelɛ mɔɔ yɛ sa ka ye wɔ ɛkɛ ne la anwo edwɛkɛ kpalɛ

• Boa ɛ mra ne mɔ maa bɛva bɛ nwo bɛwula Belemgbunlililɛ Asalo ɛkɛ ne ɛziezielɛ nu na maa bɛ nee mediema mɔɔ bɛ nye ɛvi la ɛli adwelie

Ɛ mra ne mɔ mɔɔ ɛboa bɛ wɔamaa bɛayɛ Gyihova agɔnwo la le gyima ɛsesebɛ kpalɛ. Bie a, ɔyɛ a ɛbade nganeɛ kɛ ɛnrɛhola, noko kakye kɛ Gyihova baboa wɔ.—Ay 40:29.

NEA AWOVOLƐ, BƐVA BƐ NWO BƐDO GYIHOVA NEE YE ANWOSESEBƐ NE AZO VIDIO NE NA BUA KPUYA ƐHYE MƆ:

• Kɛmɔ ɛnee Zack nee Leah ɛvɛ la ati, duzu a dole bɛ a?

  Wɔ mualɛ

• Kɛmɔti a ɔwɔ kɛ awovolɛ kpondɛ anwosesebɛ fi Gyihova ɛkɛ a?

  Wɔ mualɛ

• Ndenle boni mɔ azo a Zack nee Leah luale kpondɛle moalɛ vile Gyihova ɛkɛ a?

  Wɔ mualɛ