YƐ KILISIENE ƐBƐLABƆLƐ
Kpondɛ Nyamenle Adwenle
Yɛkulo kɛ yɛyɛ mɔɔ Gyihova kulo la wɔ debie biala anu. (Mrɛ 27:11) Saa yɛbahola yɛayɛ zɔ a, ɔwɔ kɛ yɛsi kpɔkɛ mɔɔ kile kɛ yɛze Nyamenle adwenle la wɔ ninyɛne bɔbɔ mɔɔ mɛla fɔɔnwo biala ɛnle nwolɛ la anu. Duzu a bahola aboa yɛ yeamaa yɛayɛ zɔ a?
Yɛ ngyehyɛleɛ sukoa Baebolo ne dahuu. Yɛnyia mekɛ yɛmaa Gyihova wɔ mekɛ mɔɔ yɛbagenga Baebolo ne la. Saa yɛsukoa kɛzi Gyihova nee ye menli ne lile nee menli mɔɔ bɛyɛle kpalɛ anzɛɛ ɛtane la anwo neazo ne a, yɛbanwu Gyihova adwenle. Ɔti saa ɔba ye kɛ ɔwɔ kɛ yɛsi kpɔkɛ bie a, sunsum nwuanzanwuanza ne bahakye yɛ ɛzukoalɛdeɛ nee ngyinlazo mɔɔ yɛzukoa ye wɔ Nyamenle Edwɛkɛ ne anu la.—Dwn 14:26.
Yɛ neɛnleanu. Kolaa na wɔazi kpɔkɛ bie la, biza ɛ nwo kɛ, ‘Baebolo ngyɛnu boni a baboa me yeamaa meanwu Gyihova adwenle wɔ edwɛkɛ ne anwo a?’ Yɛ asɔne kpondɛ moalɛ fi Gyihova ɛkɛ, na fa teokelase neɛnleanu ninyɛne mɔɔ ɛlɛ ye wɔ wɔ aneɛ nu la kpondɛ Baebolo ngyinlazo mɔɔ ɔfale wɔ tɛnlabelɛ ne anwo la na fa di gyima.—Ed 25:4.
NEA ƆWƆ KƐ ‘YƐFA KPUNDIIGYINLANLƐ YƐSU ƐNRIANDILƐ NE’—DI ALEƐ MƆƆ MAA ANWOSESEBƐ VIDIO NE NA BUA KPUYA ƐHYE MƆ:
Wɔ vidio ne anu, ngyegyelɛ boni a adiema raalɛ kakula ne yiale a?
Saa ɛyia ngyegyelɛ zɛhae mɔ bie a, kɛzi ɛbava neɛnleanu ninyɛne mɔɔ ɛlɛ la wɔali nwolɛ gyima ɛ?
Saa yɛnyia mekɛ yɛyɛ neɛnleanu nee bɛtianwo debiezukoalɛ a, kɛzi ɔboa yɛ ɔmaa yɛsi kpɔkɛ kpalɛ ɛ?—Hi 5:13, 14