YƐ DASELƐLILƐ GYIMA NE KPALƐ | MAA ANYELIELƐ MƆƆ ƐLƐ YE WƆ ƐZONLENLƐ GYIMA NE ANWO LA ƐYƐ KPOLE
Kilehile Wɔ Baebolo Sukoavoma Kɛzi Bɛsukoa Debie La
Amaa Baebolo sukoavoma anwu Gyihova kpalɛ na bɛanyi sunsum nu la, ɔwɔ kɛ bɛsukoa nɔhalɛ ne anwo ninyɛne dɔɔnwo bɛtɛla mɔɔ yɛfa yɛkilehile bɛ la ala. (Mt 5:3; Hi 5:12–6:2) Ɔwɔ kɛ bɛnwu kɛzi bɛdabɛ mumua ne bɛbazukoa la.
Kile wɔ Baebolo sukoavo ne kɛzi ɔbaziezie ɔ nwo yeamaa debiezukoalɛ biala la wɔ mɔlebɛbo ne na maa ye anwosesebɛ maa ɔhɔ zo ɔyɛ zɔ. (mwb18.03 6) Boa ye maa ɔyɛ asɔne kolaa na yeabɔ bɛtianwo debiezukoalɛ biala abo. Akee eza boa ye maa ɔnwu kɛzi ɔbava ɛlɛtɔlɔneke zo ninyɛne yeazukoa debie la. Kilehile ye kɛzi ɔbanwu ninyɛne fofolɛ mɔɔ ɛra jw.org nee JW Broadcasting® ne azo kenlensa ye la. Yɛ ye ngyikyingyikyi boa ye maa ɔgenga Baebolo ne alehyenlɛ biala, ɔziezie ɔ nwo ɔmaa asafo debiezukoalɛ na ɔkpondɛ kpuya mɔɔ ɔdaye mumua ne ɔlɛ la anwo mualɛ. Boa ye maa ɔnwu kɛzi ɔbadwenledwenle ninyɛne mɔɔ bɛsukoa la anwo.
NEA BOA WƆ BAEBOLO SUKOAVOMA MAA BƐZUKOA DEBIE VIDIO NE NA BUA KPUYA ƐHYE MƆ:
Kɛzi Manzakyi boale Rose maanle ɔnwunle kɛ debiezukoalɛ kile dɔɔnwo tɛla mualɛ ne mɔɔ ɔbanwu ye la ala ɛ?
Duzu a boale Rose maanle ɔdele deɛmɔti ɔfɛta bɔkɔɔ kɛ Gyihova duale adwɔmanebɔlɛ la abo ɛ?
Boa wɔ sukoavo ne maa ɔnwu kɛzi ɔbazukoa ninyɛne mɔɔ anwo hyia na yeava yeabɔ ye ɛbɛla la
Duzu a Rose ranwunle ye wɔ ninyɛne nwo ɛdwenledwenlenlɛ nwo a?