Biza Kpuya

Gyihova, “anyelielɛ Nyamenle ne” kulo kɛ yɛ nye die ɛzonlenlɛ gyima ne anwo. (1Ti 1:11) Saa yɛbɔ mɔdenle yɛnyia anyuhɔlɛ a, ɔmaa yɛ anyelielɛ yɛ kpole. Yɛdua kpuya ɛbizalɛ zo yɛmaa menli anye die edwɛkɛ ne anwo na yɛfa yɛbɔ adawubɔlɛ bo. Kpuya maa menli dwenle na bɛsuzu edwɛkɛ nwo. (Mt 22:41-45) Saa yɛbiza kpuya na yɛtie mualɛ ne kpalɛ a, ɔle kɛ asɛɛ yɛlɛka yɛahile ahenle kɛ, ‘Ɛ nwo hyia me.’ (Gye 1:19) Mualɛ mɔɔ bɛbava bɛamaa yɛ la bɛamaa yɛanwu edwɛkɛ mɔɔ ɔfɛta kɛ yɛka la.

NEA NYIA FƐLƐKOLILƐ NE MƆƆ ƐDOAVOLƐYƐLƐ GYIMA NE FA BA LA BIE​—NYIA ANYUHƆLƐ​—BIZA KPUYA VIDIO NE NA BUA KPUYA ƐHYE MƆ:

• 

  Subane mgbalɛ boni a ɛnee Rose lɛ a?

• 

  Kɛzi Manzakyi luale kpuya zo hilele kɛ ɔ nye die Rose anwo ɛ?

• 

  Kɛzi Manzakyi luale kpuya zo maanle Rose anye liele edwɛkɛ ne anwo ɛ?

• 

  Kɛzi Manzakyi luale kpuya zo maanle Rose dwenledwenlenle edwɛkɛ nwo ɛ?