Nienwu a wɔdwu wɔ ɛzɔnenlɛ adenle ne azo a?
YƐ KILISIENE ƐBƐLABƆLƐ
Kpa Kɛ Ɛbazonle Gyihova
Saa ɛle nolobɔlɛnli mɔɔ bɛtɛsɔnenle wɔ anzɛɛ Baebolo sukoavo a, asoo wɔva wɔyɛ wɔ bodane kɛ ɛbalie ɛzɔnenlɛ ɔ? Duzu ati a ɔwɔ kɛ ɛdie ɛzɔnenlɛ a? Bɛnwozoyilalɛ nee ɛzɔnenlɛ maa yɛ nee Gyihova nyia agɔnwolɛvalɛ titili. (Ed 91:1) Bɛkola bɛdie yɛ ngoane. (1Pi 3:21) Duzu ati a ɔwɔ kɛ ɛdwu bodane ɛhye mɔ anwo a?
Ɔwɔ kɛ ɛdawɔ mumua ne ɛnyia diedi kɛ nɔhalɛ ne ɛne. Saa kpuya bie ba wɔ adwenle nu a, yɛ nwolɛ neɛnleanu. (Wlo 12:2) Nwu nzenzaleɛ biala mɔɔ ɔhyia kɛ ɛyɛ la na fa yɛ wɔ bodane kɛ ɛbali nwolɛ gyima wɔava wɔazɔ Gyihova anye. (Mrɛ 27:11; Ɛf 4:23, 24) Yɛ asɔne dahuu kpondɛ ye ɛkɛ ne moalɛ. Nyia anwodozo kɛ Gyihova balua ye sunsum nwuanzanwuanza ne anwo zo aboa wɔ na yeamaa wɔ anwosesebɛ. (1Pi 5:10, 11) Wɔ mɔdenlebɔlɛ ɛnrɛyɛ mgbane, ɛbanyia zolɛ nvasoɛ. Gyihova ɛzonlenlɛ le ɛbɛlabɔlɛ adenle kpalɛ mɔɔ tɛla biala a!—Ed 16:11.
NEA MƆƆ BABOA WƆ YEAMAA WƆAZƆNE LA VIDIO NE NA BUA KPUYA ƐHYE MƆ:
Ngyegyelɛ boni a menli bie mɔ ɛgyinla ɔ nloa amaa bɛalie ɛzɔnenlɛ a?
Kɛ ɔkɛyɛ na wɔ diedi ayɛ kpundii amaa wɔayila ɛ nwo zo wɔamaa Gyihova ɛ?
Duzu a boale bie mɔ maanle bɛdwule ɛzɔnenlɛ nwo a?
Nyilalɛ boni a menli mɔɔ kpa kɛ bɛbazonle Gyihova la nyia a?
Bɛnwozoyilalɛ nee ɛzɔnenlɛ kile duzu?