Ɛbahola Wɔabɔ Nolo Na Wɔahilehile!

Mɔlebɛbo ne, ɛnee Mosisi ɛnlie ɔ nwo ɛnli kɛ ɔbahola yeayɛ gyima mɔɔ Gyihova ɛva ɛmaa ye la. (Ɛzɛ 4:10, 13) Wɔde nganeɛ zɛhae bie ɛlɛ ɔ? Ɛ nee Gyihova Alasevolɛ ɛlɛsukoa Baebolo ne ɔ? Ɛnlie ɛnli kɛ ɛbahola wɔayɛ azua nu daselɛlilɛ ɔ? Anzɛɛ bie a ɛle sukulu kakula, noko ɛsulo kɛ ɛbali daselɛ wɔ sukulu. Anzɛɛ bie a ɛsulo kɛ ɛbali daselɛ wɔ telefonu zo anzɛɛ ɛbayɛ bagua nu daselɛlilɛ. Sɛlɛ Gyihova kɛ ɔmaa wɔ ye sunsum nwuanzanwuanza ne. (1Pi 4:11) Nyia anwodozo kɛ ɔbaboa wɔ yeamaa wɔayɛ gyima biala mɔɔ ɔbava yeamaa wɔ la.​—Ɛzɛ 4:11, 12.

NEA BƐNYIA AKƐNRASESEBƐ . . . NOLOBƆLƐMA VIDIO NE NA BUA KPUYA ƐHYE MƆ:

• Ngyegyelɛ boni a ɛnee adiema raalɛ Aoyama lɛ a?

• Nienwu a ɔnyianle anwosesebɛ nee akɛnrasesebɛ a?​—Gyɛ 20:7-9

• Kɛzi ɔ nwo mɔɔ ɔdule ɔmaanle ɔyɛle dɔɔnwo la boale ye ɛ?

• Daselɛlilɛ nu ngyegyelɛ boni mɔ a Gyihova bahola aboa wɔ yeamaa wɔali zolɛ konim a?