Asoo Wɔziezie Ɛ Nwo?

Asoo wɔziezie ɛ nwo wɔmaa esiane mɔɔ bahola azi wɔ bɛ ɛkɛ ne la ɔ? Azɛlɛkpusulɛ, ahumuakyima, senle yɛɛ azuyilɛ kola si arɛlevilɛ nu na ɔsɛkye ninyɛne kpalɛ. Bieko, amumuyɛma mɔɔ bɛteta menli, basabasayɛlɛ yɛɛ ewulenzane kola si ɛleka biala arɛlevilɛ nu. (No 9:11) Ɔnle kɛ yɛnyia adwenle kɛ ninyɛne ɛhye bie ɛnrɛzi ɛleka mɔɔ yɛwɔ la ɛlɛ.

Ɔwɔ kɛ yɛ nuhua ko biala siezie ɔ nwo maa esiane. (Mrɛ 22:3) Ɔwɔ nuhua kɛ Gyihova ahyehyɛdeɛ ne boa wɔ esiane mekɛ nu ɛdeɛ, noko ɔle yɛ nuhua ko biala ɛzonlelilɛ kɛ ɔbaziezie ɔ nwo yeazie.​—Ga 6:5, ɔbdw.

NEA ASOO WƆZIEZIE Ɛ NWO WƆMAA ESIANE MEKƐ? VIDIO NE NA BUA KPUYA ƐHYE MƆ:

• 

  Kɛzi yɛ nee Gyihova avinli agɔnwolɛvalɛ kpalɛ kola boa yɛ wɔ esiane mekɛ nu ɛ?

• 

  Kɛmɔti a ɔhyia kɛ . . .

  • • yɛ nee mgbanyima ne mɔ di ngitanwo kolaa na esiane azi, esiane mekɛ nu yɛɛ esiane ne anzi ɛ?

  • • ɛboɔboa esiane mekɛ nu ninyɛne ɛsie ɛkɛ ɛ?​—g17.5-E 6

  • • ɛsuzu esiane mɔɔ bahola azi nee mɔɔ ɛbahola wɔayɛ ye wɔ nwolɛ la anwo ɛ?

• 

  Ndenle nsa mɔɔ yɛdua zo yɛboa menli wɔ esiane mekɛ nu la a le boni?