Kɔ Zo Siezie Ɛ Nwo Wɔ Mekɛ Ɛhye “Mɔɔ Li Awieleɛ La Anu”

Wɔ mekɛ mɔɔ yɛlɛbikye mekɛ ɛhye “awieleɛ la,” yɛ nye la kɛ yɛbayia ngyegyelɛ dɔɔnwo. (2Ti 3:1; nwtsty ngilenu maa Mt 24:8) Kɛ Gyihova menli la, saa esiane si a, yɛ sa ka adehilelɛ mɔɔ bɔ yɛ nwo bane la wɔ ye mekɛ nloa. Yɛ ngoanelielɛ gyi tieyɛ mɔɔ yɛbayɛ ye ɛnɛ yɛaziezie yɛ nwo wɔ sunsum nu nee nwonane nu la azo.​—Lu 16:10.

• Siezie ɛ nwo wɔ sunsum nu: Yɛ ngyehyɛleɛ kpalɛ na di zo. Sukoa ndenle ngakyile mɔɔ yɛdua zo yɛdi daselɛ la. Saa tɛnlabelɛ bie ati ɛ nee ɛ mediema Kilisienema avinli tete mekɛ ekyi a, mmamaa wɔ ahonle tu. (Ay 30:15) Gyihova nee Gyisɛse nee wɔ lua dahuu.​—od 176 ¶15-17

• Siezie ɛ nwo wɔ nwonane nu: Ɛye esiane mekɛ nu baage ne ɛsie ahane a, ɔwɔ kɛ abusua biala nyia aleɛ, nzule, ayile nee ninyɛne ekyi sie bɛ nwo mɔɔ saa ɔba ye kɛ ɔwɔ kɛ bɛtɛnla sua nu mekɛ dodo bie a, bɛbava bɛali gyima a.​—Mrɛ 22:3; g17.5-E 4, 6

NEA ASOO WƆZIEZIE Ɛ NWO WƆMAA ESIANE MEKƐ? VIDIO NE NA BUA KPUYA ƐHYE MƆ:

• 

  Kɛzi yɛ nee Gyihova avinli agɔnwolɛvalɛ kpalɛ kola boa yɛ wɔ esiane mekɛ nu ɛ?

• 

  Duzu ati a ɔwɔ kɛ . . .

  • yɛ nee mgbanyima ne mɔ di ngitanwo kpalɛ a?

  • yɛboɔboa esiane mekɛ nu ninyɛne yɛsie ɛkɛ a?

  • yɛsuzu esiane mɔɔ bahola azi nee mɔɔ yɛbahola yɛayɛ ye wɔ nwo la anwo a?

• 

  Ndenle nsa mɔɔ yɛdua zo yɛboa menli wɔ esiane mekɛ nu la a le boni?

BIZA Ɛ NWO KƐ, ‘Kɛzi COVID-19 ewulenzane ne ɛmaa menwu ndenle mɔɔ mebalua zo meaziezie me nwo meamaa esiane mekɛ la ɛ?’