“Ɛnee Azɛlɛ Ne Azo Amra Amuala Ka Aneɛ Ko”

11:1-4, 6-9

Gyihova bɔle alesama asande wɔ Babɛle ɔlua bɛ aneɛ mɔɔ ɔmaanle ɔyɛle basabasa la azo. Ɛnɛ, ɔlɛboɔboa menli ekpunli kpole bie mɔɔ bɛvi maanle maanle nee aneɛ ngakyile nu la anloa na yeamaa bɛaha “aneɛ tagyee” amaa “bɛabɔ Gyihova duma, na bɛazonle ye wɔ koyɛlɛ nu.” (Zɛf 3:9; Ye 7:9) “Aneɛ tagyee” ɛhye a le Gyihova anwo nɔhalɛ ne yɛɛ ye bodane ngakyile mɔɔ yɛnwu bɛ wɔ Ngɛlɛlera ne anu la.

Aneɛ fofolɛ ɛzukoalɛ kɔ moa tɛla kɛ ɛbahye edwɛkɛ agbɔkɛ bie wɔagua ɛ ti anu ala. Ɔhyia kɛ ɛkakyi kɛzi ɛdwenle la. Zɔhane ala a saa yɛlɛsukoa nɔhalɛ ne anwo aneɛ tagyee ne a, yɛnyia adwenle fofolɛ a. (Wlo 12:2) Ɛhye le debie mɔɔ yɛyɛ ye dahuu mɔɔ ɔboa Nyamenle menli ɔmaa bɛtɛnla koyɛlɛ nu a.​—1Kɔ 1:10.