NYAMENLE EDWƐKƐ NE AZO NVASOƐ | 2 KƆLENTEMA 4-6
“Yɛ Rɛle Ɛmbɔ”
Suzu mbusua nwiɔ mɔɔ de sua dɛba bie mɔɔ ɛzɛkye la anu la anwo. Abusua ko anye ɛnlie kolaa ɔlua bɛ tɛnlabelɛ ne ati, noko ɔyɛ azibɛnwo kɛ abusua ɛhendeɛ ne wɔ anyelielɛ nu. Duzu ati ɔ? Ɔluakɛ ɔnrɛhyɛ biala bɛbadu bɛahɔ sua fofolɛ mɔɔ le kɛnlɛma la anu.
Ɔwɔ nu kɛ ‘abɔdeɛ muala kɔ zo kponle yɛɛ bɛli nyane too yeradwu ɛnɛ’ noko Nyamenle azonvolɛ lɛ anyelazo mɔɔ maa bɛgyinla kpundii a. (Wlo 8:22) Saa yɛfa yɛ ngyegyelɛ ngakyile ne mɔ yɛtoto dahuu ngoane mɔɔ yɛbanyia wɔ Nyamenle ewiade fofolɛ ne anu la anwo a, yɛnwu kɛ ɔle “mekɛ ezinra nu debie yɛɛ ɔnyɛ ɛlomboɛ.” Saa yɛfa yɛ adwenle yɛsie kenle bie nyilalɛ mɔɔ yɛbanyia la azo a, ɔbaboa yɛ yeamaa yɛanyia anyelielɛ mɔɔ yɛ rɛle ɛmbɔ a.