NYAMENLE EDWƐKƐ NE AZO NVASOƐ | 1 KƆLENTEMA 14-16

Nyamenle Bali “Ninyɛne Kɔsɔɔti Azo Tumi”

Kenle bie mɔɔ yɛ anyelielɛ la ɛlɛkendɛ menli mɔɔ di nɔhalɛ maa Gyihova la. Saa yɛfa anyelielɛ yɛka yɛ anyelazo ne anwo edwɛkɛ yɛkile awie mɔ a, ɔmaa yɛnwu anyelazo ne kɛ debie mɔɔ wɔ ɛkɛ ne amgba. Ɛzoanvolɛ Pɔɔlo maanle ɔ mediema Kilisienema anwosesebɛ kɛ bɛpɛ mekɛ mɔɔ Kelaese Ɛvolɛ Apenle Ko Tumililɛ ne bara awieleɛ amaa Gyihova ali “ninyɛne kɔsɔɔti azo tumi” la anwo nvoninli.

Anwumabɔvolɛma ɛlɛbɔ Gyihova menli nwo bane wɔ anwongyelelɛ kpole ne anu; menli wɔ Paladaese; Gyisɛse ɛdu ye belemgbunli kyɛlɛ ne na ɔlɛfa Belemgbunlililɛ ne yeazia yeamaa Gyihova Nyamenle

Nyilalɛ mɔɔ bara kenle bie la anu boni a ɛ nye die nwolɛ kpalɛ a, na duzu ati ɔ?

Duzu a maa ɛnyia anwodozo kɛ Nyamenle ɛwɔkɛ ne mɔ bara nu a?