Ɛnwu Nyamenle Subane Ne Mɔ Mɔɔ Ɛnyelɛ Ɛnnwu Bɛ La Ɔ?

Saa ɛnea felawɔse mɔɔ lɛ kɔla dɔɔnwo, anwomanyunlu nwɔlɔra, anzɛɛ nzule mɔɔ lua awolɛ nu la a, ɛnwu yɛ Bɔvolɛ ne asa anloa gyima ɔ? Abɔdeɛ mɔɔ ɛbɔ yɛ ɛyia la maa yɛnwu Gyihova subane ne mɔ mɔɔ ɛnyelɛ ɛnnwu bɛ la. (Wlo 1:20) Saa yɛnyia mekɛ yɛdwenledwenle ninyɛne mɔɔ yɛnwu bɛ la anwo a, yɛbanwu Nyamenle tumi, ɛlɔlɛ, nrɛlɛbɛ nee ye pɛlepɛlelilɛ, eza yɛbanwu kɛ ɔyɛ nyele.​—Ed 104:24.

Ninyɛne mɔɔ Gyihova ɛbɔ mɔɔ yɛnwu bɛ dahuu la bie mɔ a le boni? Saa bɔbɔ yɛde suakpole zo a, yɛnwu nloma nee mbaka. Saa yɛnea Gyihova abɔdeɛ kpalɛ a, ɔboa yɛ ɔmaa yɛte yɛ adwenleadwenle zo, ɔmmaa yɛnva yɛ adwenle yɛnzie yɛ ngyegyelɛ zo, na ɔmaa diedi mɔɔ yɛlɛ ye wɔ Gyihova anu kɛ ɔbanlea yɛ dahuu la yɛ kpole. (Mt 6:25-32) Saa ɛlɛ ngakula a, boa bɛ maa bɛnwu Gyihova subane ngɛnlɛma ne mɔ. Saa yɛkile abɔdeɛ mɔɔ ɛbɔ yɛ ɛyia la anwo anyezɔlɛ a, ɔbamaa yɛabikye Bɔvolɛ ne kpalɛ.​—Ed 8:3, 4.

NEA KƐZI ABƆDEƐ YƐ NWANWANE LA MAA YƐNWU NYAMENLE ANYUNLUNYIA​—LEATE NEE KƆLA VIDIO NE, NA AKEE BUA KPUYA ƐHYE MƆ:

• Duzu ati a yɛnwu kɔla a?

• Duzu a maa abɔdeɛ bie kɔla kakyihakyi yɛ nye zo a?

• Duzu ati a yɛnwu kɔla ngakyile wɔ anwomanyunlu a?

• Abɔdeɛ boni a ye kɔla yɛ wɔ kɛnlɛma wɔ wɔ sua nu a?

• Duzu ati a ɔwɔ kɛ yɛnyia mekɛ yɛnea abɔdeɛ mɔɔ ɛbɔ yɛ ɛyia la a?