Bɛva Yɛ Gyima Ne Bɛwula Mɛla Bo Wɔ Quebec

Mɔɔ bɛdi Pɔɔlo edwɛkɛ la, ɔluale nwolɛ adenle mɔɔ ɔlɛ kɛ Wulomunli la azo ɔvale ye edwɛkɛ ɔdole Siza anyunlu. Ɔluale ɛhye azo ɔyɛle neazo ɔmaanle yɛ. Nea Bɛva Yɛ Gyima Ne Bɛwula Mɛla Bo Wɔ Quebec vidio ne na sukoa kɛzi yɛ mediema ne mɔ luale mɛla adenle zo gyinlanle edwɛkpa ne anzi wɔ Quebec la. Akee bua kpuya ɛhye mɔ:

• Ngyegyelɛ boni a yɛ mediema mɔɔ bɛwɔ Quebec la yiale a?

• Trate titili boni a bɛhyɛle a, na duzu a vile nu rale a?

• Duzu a dole Adiema Aimé Boucher a?

• Kɛzi Canada Kɔɔto Kpole ne lile Adiema Boucher edwɛkɛ ne ɛ?

• Mɛla adenle zo debie mɔɔ bɛnda bɛnva bɛnli gyima la boni a mediema ne mɔ vale lile gyima a, na boni a vile nu rale a?

• Mɔɔ ɛsɔfo ne mɔ zile kpolisima ne adua bɛmaanle bɛhɔzɛkyele Kilisienema ayia ne la anzi, duzu a zile a?