Awovolɛ, Bɛlua Adenle Biala Azo Bɛmaa Bɛ Mra Ne Mɔ Ɛkpazi

Awovolɛ mɔɔ sulo Nyamenle la anye die kɛ bɛbanwu kɛ bɛ mra ɛlɛdi nɔhalɛ azonle Gyihova. Awovolɛ bahola aboa bɛ mra amaa bɛayɛ ɛhye saa bɛfa Baebolo ngilehilelɛ bɛwula bɛ ahonle nu ɔvi bɛ ngakula nu a. (Mɛl 6:7; Mrɛ 22:6) Asoo ɛhye hyia afɔlebɔlɛ? Ɛhɛe! Noko nvasoɛ mɔɔ vi nu ba la tɛla biala.​—3Dw 4.

Awovolɛ bahola azukoa dɔɔnwo avi Dwosefi nee Mɛle ɛkɛ. ‘Ɛvolɛ biala ɛnee bɛkɔ Gyɛlusalɛm bɛkɔdi Akpabɛnwo ɛvoyia ne’ ɔnva nwo kɛ ɛnee ɔdie mekɛ nee ezukoa la. (Lu 2:41) Ɔda ali kɛ, bɛmaanle sunsum nu ninyɛne hyianle bɛ abusua ne. Zɔhane ala a ɛnɛ, awovolɛ yɛ mɔɔ bɛbahola biala la bɛkile bɛ mra ne mɔ adenle kpalɛ ne ɔlua bɛ edwɛkɛ nee bɛ nyɛleɛ mɔɔ bɛbalua zo bɛahilehile bɛ la azo.​—Ed 127:3-5.

NEA BƐVALE NWOLƐ ADENLE BIALA BƐLILE GYIMA VIDIO NE, NA BUA KPUYA ƐHYE MƆ:

• Kɛzi Jon nee Sharon Schiller vale Belemgbunlililɛ ne limoale bɛ ɛbɛlabɔlɛ nu wɔ mekɛ mɔɔ bɛtete bɛ mra ne mɔ la ɛ?

• Kɛzi ɔwɔ kɛ awovolɛ nea kakula ko biala nee ndetelɛ mɔɔ ɔwɔ kɛ bɛfa bɛmaa ye la ɛ?

• Kɛzi awovolɛ bɛaboa bɛ mra bɛamaa bɛagyinla bɛ diedi nwo sɔnea nloa ɛ?

• Nziezielɛ mɔɔ Gyihova ahyehyɛdeɛ ne ɛyɛ la boni a wɔva wɔboa ɛ mra ne mɔ wɔ sunsum nu a?