Di Kelaese Agyakɛ Anzi Pɛpɛɛpɛ

Gyisɛse yɛle neazo maanle yɛ amaa yɛazukoa, titili wɔ mekɛ mɔɔ yɛlɛyia sɔnea anzɛɛ kpɔdekpɔdeyɛlɛ la. (1Pi 2:21-23) Bɛbɔle Gyisɛse aholoba noko yeanli nzenralɛ, wɔ mekɛ bɔbɔ mɔɔ ɛnee ɔlɛnwu amaneɛ la. (Mk 15:29-32) Duzu a boale ye maanle ɔgyinlanle ɔ nloa a? Ɔzile kpɔkɛ kɛ ɔbayɛ Gyihova ɛhulolɛdeɛ. (Dwn 6:38) Eza ɔvale ye adwenle ɔziele “anyelielɛ ne mɔɔ bɛvale bɛziele ɔ nyunlu la” azo.​—Hib 12:2.

Saa bɛ nee yɛ anli ye boɛ ɔlua yɛ diedi ne ati a, kɛzi yɛyɛ yɛ nyɛleɛ ɛ? Nɔhalɛ Kilisienema ɛnva ‘ɛtane ɛndua awie biala ɛtane kakɛ.’ (Wlo 12:14, 17) Saa yɛsukoa kɛzi Gyisɛse gyinlanle amaneɛnwunlɛ nloa la a, yɛ nye bahola alie ɔluakɛ yɛyɛ mɔɔ sɔ Nyamenle anye la.​—Mt 5:10-12; 1Pi 4:12-14.

NEA GYIHOVA DUMA NE ANWO HYIA TƐLA BIALA VIDIO NE NA BUA KPUYA ƐHYE MƆ:

• Kɛzi Adiema Raalɛ Pötzingera vale ye mekɛ lile gyima kpalɛ wɔ mekɛ mɔɔ ɔ ngomekye ɔla efiade la ɛ?

• Kɛzi Adiema Pötzinger nee ɔ ye gyinlanle amaneɛnwunlɛ mɔɔ bɛhɔle nu wɔ efiade ngakyile nu la anloa ɛ?

• Duzu a boale bɛ maanle bɛgyinlanle ɔ nloa a?