“Di Wɔ Papa Nee Wɔ Mame Eni”

Mekɛ mɔɔ Gyisɛse wɔ azɛlɛ ye azo la, ɔzile mɛla ɛhye mɔɔ se: “Di wɔ papa nee wɔ mame eni” la azo (Ad 20:12; Mt 15:4) Ɛnee Gyisɛse kola ka ɛhye anwo edwɛkɛ kpalɛ ɔluakɛ “ɔhɔle zo ɔyɛle tieyɛ” ɔmaanle ye awovolɛ wɔ ye ngakula nu. (Lu 2:51, ɔbdw.) Mekɛ mɔɔ ɔyɛle kpanyinli la, ɔyɛle ngyehyɛleɛ amaa saa ɔwu a bɛanlea ye mame. —Dwn 19:26, 27.

Ɛnɛ noko, Kilisiene ngakula tie bɛ awovolɛ na bɛfi ɛbule nu bɛtendɛ bɛkile bɛ bɛfa bɛkile kɛ bɛdi bɛ eni. Nɔhalɛ nu, awie biala ɛtɛbole mɛla mɔɔ se yɛli yɛ awovolɛ eni la azo. Saa yɛ awovolɛ ɛyɛ mgbanyinli bɔbɔ a, yɛbahola yɛanyia bɛ nrɛlɛbɛ ne azo nvasoɛ. (Mrɛ 23:22) Eza yɛdi yɛ awovolɛ mɔɔ bɛyɛ mgbanyima la eni ɔlua ninyɛne mɔɔ gyegye bɛ nganeɛdelɛ mɔɔ yɛdi nwolɛ gyima na yɛaboa bɛ wɔ ezukoasɛm nu la azo. (1Ti 5:8) Ɔnva nwo ɛleka mɔɔ yɛnyi yɛdwu la, yɛ awovolɛ mɔɔ yɛbavi ɛbulɛ nu yɛ nee bɛ abɔ adawu la le adenle titili mɔɔ yɛdua zo yɛkile kɛ yɛdi bɛ eni a.

NEA KƐZI ME NEE ME AWOVOLƐ BƐADENDƐ Ɛ? VIDIO MƆƆ BƐDOLƆDOLƆ LA, NA BUA KPUYA ƐHYE MƆ:

• Duzu ati a, bie a ɔyɛ se kɛ ɛ nee wɔ awovolɛ bɛadendɛ a?

• Kɛzi ɛbali wɔ awovolɛ eni wɔ mekɛ mɔɔ ɛ nee bɛ ɛlɛtendɛ la ɛ?

  

• Duzu ati a nvasoɛ wɔ zo kɛ ɛ nee wɔ awovolɛ bɛadendɛ a? (Mrɛ 15:22)