YƐ KILISIENE ƐBƐLABƆLƐ
Fa Wɔ Ngoane Mekɛ Ye Gyihova Ayɛlɛ!
Ngoane le ahyɛlɛdeɛ mɔɔ sonle bolɛ. Kɛzi yɛfa ahyɛlɛdeɛ ɛhye yɛdi gyima alehyenlɛ ko biala la bahile kɛzi yɛ nye sɔ ye la. Kɛ Gyihova Alasevolɛ la, yɛfa yɛ ɛlolɛ ahyɛlɛdeɛ yɛdi Gyihova yɛ ngoane maavolɛ ne eni na yɛye ye ayɛlɛ. (Ed 36:9; Ye 4:11) Noko ewiade ɛtane ɛhye anu adwenleadwenle bahola ahwehwe yɛ adwenle avi sunsum nu ninyɛne zo. (Mk 4:18, 19) Ɔwɔ kɛ yɛ nuhua ko biala biza ɔ nwo kɛ: ‘Asoo melɛyɛ mɔɔ mebahola la amuala meamaa Gyihova ɔ? (Ho 14:2) Kɛzi me gyima anzɛɛ ninyɛne mɔɔ gyi me nye zo la ka me ɛzonlenlɛ ɛ? Sunsum nu bodane boni a gyi me nye zo a? Kɛzi mebadɛlɛ me ɛzonlenlɛ nu ɛ?’ Saa ɛnwu kɛ ɛbahola wɔayɛ dɔɔnwo a, sɛlɛ Gyihova kɛ ɔboa wɔ ɔmaa ɛyɛ nzenzaleɛ mɔɔ hyia la. Saa ɛye Gyihova ayɛlɛ alehyenlɛ biala a, ɛ nye balie na ɛ kunlu adwo ɛ nwo!—Ed 61:8.
Nwane a ɛlɛfa wɔ ɛlolɛ ahyɛlɛdeɛ ne wɔazonle ye a?
BƐNLEA FA WƆ ƐLOLƐ AHYƐLƐDEƐ NE YE GYIHOVA AYƐLƐ VIDIO NE, NA BƐBUA KPUYA ƐHYE MƆ MƆƆ WƆ Ɔ BO ƐKE LA:
Duzu ati a nrɛlɛbɛ ɛnle nu kɛ yɛbava yɛ ɛlolɛ ahyɛlɛdeɛ yeamaa Seetan ewiade ne ɛ? (1Dw 2:17)
Saa yɛfa mɔɔ yɛlɛ la amuala yɛmaa Gyihova a, nyilalɛ boni a yɛbanyia a?
Ɛzonlenlɛ nwo adenle boni a ɛbahola wɔadu ɛ nwo wɔamaa wɔayɛ bie a?