YƐ KILISIENE ƐBƐLABƆLƐ
Mekɛ Boni Bieko A Mebahola Meazonle Kɛ Adekpakyelɛ Boavolɛ A?
Yizikeɛle ɛzonlenlɛ sua nwo yekile ne maa yɛnwu kɛ Gyihova menli ne bɛadu bɛ nwo amaa bɔkɔɔ. Kɛzi yɛ nuhua ko biala bɛava ɔ nwo awula ayɛlɛyelɛ afɔlebɔlɛ ɛhye anu ɛ?—Hi 13:15, 16.
Adenle ko mɔɔ tɛla biala la a le kɛ yɛbazonle kɛ adekpakyelɛ boavolɛma. Aziane dɔɔnwo mɔɔ lɛ Folɛ nee Molɛ nnu la wɔ 2018 ɛzonlenlɛ ɛvolɛ ne anu. Ɛhye baboa menli mɔɔ fa bɛ mekɛ dɔɔnwo yɛ gyima na bɛfa dapɛne awieleɛ bɛkɔ daselɛlilɛ la. Bieko, nolobɔlɛma bahola ava dɔnehwele 30 anzɛɛ 50 ayɛ adekpakyelɛ boavolɛ wɔ March, April nee siane ne mɔɔ maangyebakyi zo neavolɛ ne barakpɔla bɛ la.
Na saa yɛ tɛnlabelɛ ne ɛnrɛmaa yɛnrɛhola yɛnrɛzonle kɛ adekpakyelɛ boavolɛma ɛ? Yɛbahola yɛabɔ mɔdenle yɛanyia anyuhɔlɛ na yɛava mekɛ dɔɔnwo yɛayɛ daselɛlilɛ gyima ne. Ɔrɛla ye kɛ ɛhulolɛ mɔɔ yɛlɛ yɛmaa Gyihova la baha yɛ yeamaa yɛayɛ dɔɔnwo wɔ 2018 ɛzonlenlɛ ɛvolɛ ne anu, ɔnva nwo tɛnlabelɛ mɔɔ yɛwɔ nu la!—Ho 14:2.
Kɛzi mebazukoa Sabina Hernández mɔdenlebɔlɛ ne ɛ?
BƐNLEA GYIHOVA BOKA NWOLƐ A, MEKOLA DEBIE BIALA YƐ VIDIO NE, NA BƐBUA KPUYA ƐHYE MƆ MƆƆ WƆ Ɔ BO ƐKE LA:
Duzu a hanle Sabina maanle ɔyɛle dɔɔnwo wɔ Gyihova ɛzonlenlɛ nu a?
Kɛzi Sabina neazo ne maa wɔ anwosesebɛ ɛ?
Wɔ 2018 ɛzonlenlɛ ɛvolɛ ne anu, siane boni mɔ a ɛbahola wɔazonle kɛ adekpakyelɛ boavolɛ a?