Saa Ɛlɛyɛ Baebolo Ɛzukoalɛ A Koati Ninyɛne Ɛhye Mɔ

Mmatendɛ Dɔɔnwo: Mmanyia adwenle kɛ ɔwɔ kɛ ɛkilehile debie biala anu. Gyisɛse bizale kpuya mɔɔ boa maa menli dwenle na bɛnyia mualɛ kpalɛ la. (Mt 17:24-27) Kpuya maa debiezukoalɛ ne yɛ anyelielɛ na ɔmaa ɛnwu mɔɔ sukoavo ne te ɔ bo nee mɔɔ ɔdie ɔdi la. (be 253 ¶3-4) Saa ɛlɛbiza kpuya a, si abotane kendɛ maa ɔbua. Saa sukoavo ne mualɛ ne anva adenle nu a, kɛ anrɛɛ ɛbaha mualɛ ne la, biza ye kpuya ne wɔ adenle fofolɛ zo maa ɔbua. (be 238 ¶1-2) Tɔ ɛ rɛle aze tendɛ amaa wɔ sukoavo ne ade ninyɛne mɔɔ le fofolɛ la abo.​—be 230 ¶4.

Mmamaa Ɔyɛ Kpomgbondee: Koati kɛ ɛbaha mɔɔ ɛze ye wɔ edwɛkɛ ne anwo la amuala wɔahile ye. (Dwn 16:12) Fa wɔ adwenle sie adwenle titili mɔɔ wɔ ɛdendɛkpunli ne anu la azo. (be 226 ¶4-5) Saa ɛka nwolɛ edwɛkɛ dɔɔnwo mɔɔ yɛ anyelielɛ bɔbɔ la a ɔbamaa adwenle titili ne mɔ aminli. (be 235 ¶3) Saa sukoavo ne te adwenle titili mɔɔ wɔ nu la abo a, kɔ ɛdendɛkpunli fofolɛ zo.

Bɛmmasukoa Ala: Yɛ bodane a le kɛ yɛmaa edwɛkɛ ne aha ahenle ahonle, tɛ kɛ yɛsukoa ye kɔsɔɔti ala. (Lu 24:32) Fa Nyamenle Edwɛkɛ ne di gyima ɔlua ngɛlɛlera titili mɔɔ wɔ ɛzukoalɛdeɛ ne anu mɔɔ ɛbahwe adwenle wɔazie zo la azo. (2Kɔ 10:4; Hi 4:12; be 144 ¶1-3) Yɛ ndonwo sikalɛ. (be 245 ¶2-4) Suzu ngyegyelɛ mɔɔ sukoavo ne yia la nee mɔɔ ɔdie ɔdi la anwo, na maa ɛzukoalɛdeɛ ne ɛvale ɔ nwo. Biza kpuya mɔɔ le kɛ: “Kɛzi ɛte nganeɛ wɔ mɔɔ ɛlɛsukoa la anwo ɛ?” “Duzu a ɛhye kilehile yɛ wɔ Gyihova anwo a?” “Saa ɛfa folɛdulɛ ɛhye ɛyɛ gyima a, nvasoɛ boni a ɛbanyia a?”​—be 238 ¶3-5; 259 ¶1.