Fa Ɛ Rɛle Wula Gyihova Anu Na Di Boɛ

“Mmamaa ɛ nye bolo ɛtanema”

37:1, 2

• Mmamaa amumuyɛma boɛ mɔɔ bɛdi ye mekɛ ezinra nu la twehwe wɔ adwenle fi Gyihova ɛzonlenlɛ zo. Fa wɔ adwenle sie sunsum nu nyilalɛ nee bodane zo

‘Fa ɛ rɛle wula Gyihova anu na di boɛ’

37:3

• Nyia anwodozo kɛ Gyihova baboa wɔ wɔ adwenle nu keseeyɛlɛ anzɛɛ adwenleadwenle nwo. Ɔbaboa wɔ yeamaa wɔali nɔhalɛ

• Kɔ zo ka Nyamenle Belemgbunlililɛ ne anwo edwɛkpa ne

‘Maa ɛ nye ɛlie Gyihova anwo’

37:4

• Yɛ ngyehyɛleɛ kenga Nyamenle Edwɛkɛ ne na dwenledwenle nwo amaa wɔanwu Gyihova kpalɛ

‘Fa ɛ nwo maa Gyihova’

37:5, 6

• Nyia anwodozo kɛ Gyihova baboa wɔ yeamaa wɔali wɔ ngyegyelɛ biala anwo gyima

• Saa ɛlɛyia dwazotia, ɛkpɔlɛ anzɛɛ bɛlɛsɛkye wɔ duma a, da subane kpalɛ ali

‘Gyinla ɛ nwo wɔ Gyihova anyunlu, na si abotane kendɛ ye’

37:7-9

• Mmapele ɛ nwo ɛyɛ debie mɔɔ kola sɛkye wɔ anyelielɛ nee agɔnwolɛvalɛ mɔɔ ɛ nee Gyihova lɛ la

“Bɛlɛvoma bava azɛlɛ ne ayɛ bɛ ɛdeɛ”

37:10, 11

• Bɛlɛ ɛ nwo aze na si abotane kendɛ Gyihova maa ɔye nzisi biala mɔɔ wɔyia ye la ɔvi ɛkɛ

• Boa ɛ gɔnwo mɔ diedima na fa Nyamenle ewiade fofolɛ ne mɔɔ yebɔ nwolɛ ɛwɔkɛ na yebikye la kyekye bɛdabɛ mɔɔ bɛ rɛle ɛbɔ la arɛle