Yɛbɔ Mɔdenle Yɛnyia Anyuhɔlɛ Wɔ Daselɛlilɛ Nu—Boa Nolobɔlɛma Mɔɔ Bɛle Fofolɛ La

Deɛmɔti Ɔhyia La: Ɔwɔ kɛ Gyisɛse ɛdoavolɛma mɔɔ bɛle fofolɛ la sukoa kɛ bɛbali “debie biala” mɔɔ yeha mɔɔ bie a le nɔhalɛ ne mɔɔ yɛkilehile awie mɔ la azo. (Mat. 28:19, 20) Nolobɔlɛma dɔɔnwo mɔɔ bɛle fofolɛ la ɛva bɛ nwo ɛwula Teokelase Ɛzonlenlɛ Sukulu ne anu dɛba yɛɛ bie a bɛdi bɛ mbusuafoɔ nee bɛ gɔnwo mɔ daselɛ. Noko mekɛ mɔɔ bɛ nye ɛlɛdie mɔɔ bɛlɛsukoa la anwo na bɛanwu ye kɛ Gyihova kpondɛ kɛ menli kɔsɔɔti te edwɛkpa ne la, bie a bɛ nye balie nwo kɛ bɛbahɔ daselɛlilɛ. (Wulo. 10:13, 14) Saa bɛdie menli mɔɔ bɛle fofolɛ la bɛto nu kɛ bɛhɔ daselɛlilɛ a, ndetelɛ kpalɛ baboa bɛ yeamaa bɛanyia anwodozo wɔ mekɛ mɔɔ bɛlɛnyi sunsum nu la.—Luku 6:40.

Kɛzi Bɛyɛ Ye La:

Boa nolobɔlɛnli fofolɛ ne maa ɔlie mbuluku mɔɔ ɔbava yeahɔ daselɛlilɛ la. Maa ɔnwu mbuluku mɔɔ ɛfa ɛkɔ daselɛlilɛ la na kile debie mɔɔ ɛbava buluku ko biala wɔayɛ la.
Bɛ mu nwiɔ bɛkpa edwɛkɛ mɔɔ yɛbaha la neazo bie wɔ Yɛ Belemgbunlililɛ Gyima ne anu na bɛzukoa. Maa nolobɔlɛnli fofolɛ ne ɛva ye edwɛkɛ ɛha mɔɔ bɛzukoa la. Bɛzuzu tɛnlabelɛ mɔɔ wɔ Ɛzonlenlɛ Sukulu buluku ne mukelɛ 82, mɔɔ bɛta bɛyia ye wɔ azɛlɛsinli ne anu la anwo. Maa ɔnwu ye kɛ ɔwɔ kɛ ɔsiezie ɔ nwo kɛnlɛma.—2 Kɔl. 6:3, 4.
Kɔ zo tete ye. Fa territory kaade ne bie kile nolobɔlɛnli fofolɛ ne, na kile ye kɛzi bɛfa house-to-house record kɛlata ne bɛdi gyima la. Kile ye kɛzi bɛyɛ awie mɔɔ kɛhile edwɛkɛ ne anwo anyelielɛ anwo kɛlɛtokɛ la. Kile ye kɛzi bɛfa Good News for People of All Nations buluku ne yɛɛ jw.org bɛdi gyima wɔ daselɛlilɛ nu la. Saa ɔdi awie daselɛ na ahenle kile nwolɛ anyelielɛ a, boa ye maa ɔdoa zo.—1 Kɔl. 3:6.
Nyia abotane, na kanvo ye. (Mrɛ. 25:11) Yɛ neazo kpalɛ maa ye. Wɔ mɔdenlebɔlɛ nee kɛzi ɛkile awie mɔ anwo anyelielɛ la baboa ye dahuu.

Sɔ Ɛhye Nea Wɔ Siane Ɛhye Anu:

Ɛ nee wɔ Baebolo sukoavo mɔɔ ɛbɔ daselɛlilɛ bo la ɛli daselɛ wɔ azua nu. Ɛ nee ye ɛhɔyɛ sia kɔkpɔla anzɛɛ Baebolo ɛzukoalɛ. Saa ɛnlɛ bie a, maa nolobɔlɛnli mɔɔ ɔtɛnyianle anyuhɔlɛ kpalɛ la nee wɔ ɛhɔ.