Teokelase Ɛzonlenlɛ Sukulu Ndinu
Bɛbazuzu kpuya ɛhye mɔ mɔɔ doɔdoa zo la anwo wɔ Teokelase Ɛzonlenlɛ Sukulu ne anu wɔ dapɛne ne mɔɔ bɔ ɔ bo April 27, 2015 la anu. Bɛva kenle mɔɔ bɛbava bɛazuzu ko biala anwo la bɛboka nwo amaa ɛlɛsiezie ɛ nwo wɔamaa dapɛne biala sukulu ne a, wɔayɛ nwolɛ neɛnleanu.
Nɔhalɛ ɛlɔlɛ a le duzu, na ɛbɛlabɔlɛ nu tɛnlabelɛ boni mɔ anu a yɛhyia nwolɛ kpalɛ a? (Wulu. 1:16, 17) [Mar. 2, w12-E 7/1 m. 26 ɛden. 6; ia tile 4 ɛden. 19]
Kɛzi ɔyɛle mɔɔ bɛravɛlɛle Wulutu kɛ “raalɛ mɔɔ lɛ subane” ɛ? (Wulu. 3:11) [Mar. 2, w12-E 10/1 m. 23 ɛden. 1; ia tile 5 ɛden. 21]
Saa yɛyia ngyegyelɛ a, adenle boni azo a Hana neazo ne bahola aboa yɛ a? (1 Sam. 1:16-18) [Mar. 9, w07-E 3/15 m. 16 ɛden. 4-5; ia tile 6 ɛden.16]
Mɔɔ ɛnee kakula Samoɛle ‘ɛlɛnyi wɔ Gyihova ɛzonlenlɛ nu’ la, duzu a bɔle ɔ nwo bane vile Yilae amra mrenyia ne neazo ɛtane ne anwo a? (1 Sam. 2:21) [Mar. 9, w10-E 10/1 m. 16 ɛden. 2-3; ia tile 7 ɛden. 16, 17]
Nzɔne a yɛbahola yɛazukoa yɛavi Sɔɔlo ɛkɛ wɔ “menli kpamgbanvolɛma“ mɔɔ bɛkpole ye tumililɛ ne mɔɔ yeandɛne bɛ zo la anu a? (1 Sam. 10:22, 27) [Mar. 23, w05-E 3/15 m. 23 ɛden. 1]
Nzɔne a yɛsukoa yɛfi nvonleɛ mɔɔ Sɔɔlo yɛle na ɔdwenlenle kɛ ɔbahola yeava afɔlebɔlɛ yeazie tieyɛ mɔɔ yeanyɛ yeammaa Gyihova la agyakɛ anu la anu a? (1 Sam. 15:22, 23) [Mar. 30, w07-E 6/15 m. 26 ɛden. 3-4]
Duzu ati a yɛ “ahonle nu” mɔɔ Gyihova nea la maa yɛ anwosesebɛ a? (1 Sam. 16:7) [Apr. 6, w10-E 3/1 m. 23 ɛden. 7]
Kɛmɔ Mrɛlɛbulɛ 1:4 kile la, nzɔne a Gyihova kpondɛ kɛ yɛnyia na yɛfa yɛdi gyima wɔ mekɛ mɔɔ yɛbayia tɛnlabelɛ mɔɔ anu yɛ se la ɛ? (1 Sam. 21:12, 13) [Apr. 13, w05-E 3/15 m. 24 ɛden. 4]
Duzu ati a yɛbahola yɛaha kɛ ninyɛne mɔɔ Abegeli vale maanle Devidi ne ye menli ne la ɛngile kɛ ɛnee ɔlɛdwazo yeatia ɔ hu tileyɛlɛ ne ɛ? (1 Sam. 25:10, 11, 18, 19) [Apr. 20, w09-E 7/1 m. 20 ɛden. 3; ia tile 9 ɛden. 16]
Abegeli kpale kyɛlɛ wɔ debie mɔɔ tɛ ɔdaye a ɔyɛle la anwo. Kɛzi ye neazo ne bahola aboa yɛ ɛ? (1 Sam. 25:24) [Apr. 20, w02-E 11/1 m. 5 ɛden. 1, 4]