Duzu Ati A Ɔwɔ Kɛ ‘Yɛmaa Yɛ Nye Bolo Kɛ Yɛkɛyɛ Gyima Kpalɛ’ Ɛ?

Ɛ nye bolo kɛ ɛkɛyɛ gyima kpalɛ ɔ? Kɛ Belemgbunlililɛ nolobɔlɛma la, ɔwɔ kɛ yɛmaa yɛ nye bolo kɛ yɛkɛyɛ gyima kpalɛ. Duzu ati ɔ? Suzu edwɛkɛ mɔɔ wɔ Taetɛse 2:11-14 la anwo:

• Ngyɛnu 11: Duzu a le ‘Nyamenle ɛlolɛ ne,’ na kɛzi yeboa yɛ ɛ?​—Wulo. 3:23, 24.

• Ngyɛnu 12: Kɛzi Nyamenle ɛlolɛ ne ɛtete yɛ ɛ?

• Ngyɛnu 13 nee 14: Kɛkala mɔɔ bɛmaa yɛ nwo ɛde la, anyelazo boni a yɛlɛ a? Na bodane boni ati a bɛde yɛ nwo bɛvi ewiade ɛbɛlatane nwo a?

• Kɛzi ngyehyɛnu ɛhye mɔ maa ɛ nye bolo kɛ ɛbayɛ gyima kpalɛ ɛ?