Edwɛkɛ Mɔɔ Yɛbaha La Neazo

Fa bɔ Baebolo ɛzukoalɛ bo wɔ Folɛ wɔɔ lumua wɔ September

“Menli dɔɔnwo die anwumabɔvolɛ ne mɔ di. Na ɛdawɔ noko ɛ? [Maa ɔbua.] Kɛ sunsum nu abɔdeɛ la, anwumabɔvolɛ ne mɔ lɛ tumi kpole kpalɛ, noko ɛsuzu kɛ bɛkola bɛboa yɛ ɔ? Baebolo ne ka kɛzi bɛboa alesama ɛnɛ la anwo edwɛkɛ kile yɛ.” Fa September 1 Ɛzinzalɛ Arane magazine ne anzi ne kile ye na bɛzuzu edwɛkɛ mɔɔ wɔ kpuyia ne mɔɔ lumua la abo yɛɛ yeanyɛ boɛ fee la ngɛlɛlera mɔɔ wɔ nu la ko anwo. Fa magazine ne mɔ maa ye, na yɛ ngyehyɛleɛ sia kɔ na bɛzuzu kpuyia mɔɔ doa zo la anwo.

Ɛzinzalɛ Arane September 1

“Ɛsuzu kɛ menli ɛlɛsɛkye azɛlɛ ne mɔɔ awie ɛnrɛhola ye boɛ yɛ ɔ? [Maa ɔbua.] Ɔnva nwo kɛ alesama ɛnrɛhola azɛlɛ ne mɔɔ bɛzɛkye ye la boɛ yɛ la, Baebolo ne ka kile yɛ kɛ Nyamenle bahola ayɛ ye boɛ na ɔkulo kɛ ɔyɛ ye zɔ. Edwɛndolɛ 65:9 maa yɛnyia anwodozo ɛhye. [Kenga.] Ɛzinzalɛ Arane ɛhye kilehile kɛzi Nyamenle baziezie azɛlɛ ne nee kɛzi yɛbahola yɛanyia kenlebie nyilalɛ ɛhye bie la anu. Mekulo kɛ mefa memaa wɔ na ɛkenga.”

Awake! September

“Menli dɔɔnwo te nganeɛ kɛ bɛ gyimamenle maa bɛyɛ gyima mɔɔ bo bɛ nwo zo na bɛnnwu kɛzi bɛbavi ngyegyelɛ ɛhye anu a. Nwomama ka kɛ gyima dɔɔnwo ɛyɛlɛ maa awie yɛ bɛtɛɛ, na ɔbahola yeaboda ahenle wɔ nwonane nu nee nganeɛdelɛ nu. Ɛsuzu kɛ duzu a baboa awie yeamaa yeayɛ ninyɛne pɛpɛɛpɛ wɔ ɛbɛlabɔlɛ nu a? [Maa ɔbua.] Yɛnlea Baebolo tɛkese bie mɔɔ baboa yɛ la. [Kenga Nolobɔvo ne 4:6.] Magazine ɛhye kilehile ndenle nna mɔɔ baboa amaa yɛayɛ nzenzaleɛ wɔ ninyɛne mɔɔ hyia yɛ la anu na yɛali yɛ gyima nu ngyegyelɛ nwo gyima la anu.”