Dapɛne Ngyehyɛleɛ Maa September 1

Edwɛne 46 Nee Asɔneyɛlɛ

Asafo Baebolo Ɛzukoalɛ:

fy tile 12 ¶21-26, ɛlɛka mɔɔ wɔ m. 152 (Mit. 30)

Teokelase Ɛzonlenlɛ Sukulu:

Baebolo ɛgengalɛ: Ɛdianlɛ 17-21 (Mit. 10)

No. 1: Ɛdianlɛ 17:1-13 (Mit. 4 anzɛɛ ɔndwu)

No. 2: Gyisɛse Bɔle Ɔ Bo Kɛ Ɔdi Tumi La, Duzu A Zile A?​—fg ɛzukoalɛdeɛ 7 k. 4 (Mit. 5)

No. 3: Duzu A Bado Adalɛ Ɛzonlenlɛ Nee Bɛdabɛ Mɔɔ Bɛwɔ Nuhua La A?​—ol ɛzukoalɛdeɛ 6 ¶12-13 (Mit. 5)

Ɛzonlenlɛ Nyianu:

Edwɛne 44

Mit. 10: Fa Magazine Ne Maa Wɔ September. Adawubɔlɛ. Maa bɛlumua bɛva edwɛkɛ mɔɔ yɛbaha la neazo ne mɔɔ wɔ mukelɛ ɛhye la bɛyɛ kɛzi yɛbava magazine ne mɔ yɛamaa la anwo yɛkile. Akee bɛzuzu edwɛkɛ mɔɔ bɛbaha la neazo ne biala anwo.

Mit. 10: Kɛzi Yɛyɛle Ye Ɛ? Adawubɔlɛ. Maa nolobɔlɛma ɛha kɛzi edwɛkɛ mɔɔ se, “Yɛbɔ Mɔdenle Yɛnyia Anyuhɔlɛ Wɔ Daselɛlilɛ Nu​—Yɛfa Anwodozo Yɛbɔ Belemgbunlililɛ Ne Nolo” mɔɔ bɛvale bɛlile gyima la boale bɛ la anwo edwɛkɛ. Maa tievolɛma ɛha ngyegyelɛ mɔɔ bɛyiale wɔ mekɛ mɔɔ bɛka Belemgbunlililɛ ne anwo edwɛkɛ la. Kɛzi bɛholale bɛlile ngyegyelɛ ne anwo gyima ɛ?

Mit. 10: Yɛ Nolobɔlɛ Titile Ne Anwo Amaneɛbɔlɛ. Ɛdendɛlɛ mɔɔ ɛzonlenlɛ gyima zo neavolɛ ne maa. Pɛ Yɛ Belemgbunlililɛ Gyima ne mɔɔ ka kɛzi ɔwɔ kɛ yɛkɔ zo yɛbɔ Belemgbunlililɛ ne nolo anwo edwɛkɛ la anu edwɛkɛ titile ne sikalɛ. Kɛzi asafo ne anu amra vale adehilelɛ ɛhye lile gyima ɛ? Gyima titile mɔɔ yɛholale yɛyɛle wɔ nolobɔlɛ ne anu la bie mɔ a le boni?

Edwɛne 45 Nee Asɔneyɛlɛ