Edwɛkɛ Mɔɔ Yɛbaha La Neazo

Ngakyelɛlilɛ Ɛsalɛdolɛ Edwɛkɛ

“Yɛlɛto ɛsalɛdolɛ yɛavɛlɛ menli kɛ bɛrɛla ɛvoyialilɛ mɔɔ hyia kpalɛ la bie. Wɔ April 14, menli mgbe dɔɔnwo mɔɔ wɔ ewiade la bayia nu ahakye Gyisɛse Kelaese ewule ne na bɛadie Baebolo ɛdendɛlɛ mɔɔ bɛnlie ɛhwee mɔɔ bahile kɛzi ye ewule ne baboa yɛ la. Ɛsalɛdolɛ kɛlata ɛhye kile ɛleka nee mekɛ mɔɔ bɛbayia wɔ ɛke la.”

Ɛzinzalɛ Arane April 1

“Yɛra ɛke kɛ yɛbazuzu debie mɔɔ menli dɔɔnwo yɛ la anwo sikalɛ. Asɛɛ awie biala, ɔnva nwo ɛzonlenlɛ mɔɔ ɔwɔ nu la yɛ asɔne. Ɛnea a Nyamenle bua asɔneyɛlɛ, anzɛɛ ɛdwenle kɛ bɛmaa yɛ nwo tɔ yɛ wɔ yɛ ngyegyelɛ nwo ala ɔ? [Maa ɔbua.] Tie mɔɔ Baebolo ne ka wɔ asɔneyɛlɛ nwo la. [Kenga 1 Dwɔn 5:14.] Magazine ɛhye kilehile kɛzi asɔneyɛlɛ boa yɛ la anu.”

Awake! April

“Yɛra ɛke kɛ yɛfa edwɛkɛ bie mɔɔ ɛlɛkɔ zo la anwo moalɛ yɛamaa. Bie mɔ gyinlabelɛ wɔ ɛbɛlabɔlɛ nu ɛyɛ basaa yemɔti bɛkulo kɛ bɛku bɛ nwo. Saa debie gyegye awie kpalɛ a, ɛdwenle kɛ ɔkulo kɛ ɔ wu amgba, anzɛɛ ɛnea a ɔkulo kɛ ɔ nwo tɔ ye fi ye amaneɛnwunlɛ nwo ɔ? [Maa ɔbua.] Baebolo ɛwɔkɛ mɔɔ ɛboa menli dɔɔnwo ɛmaa bɛnyia adwenle kpalɛ la ɛne. [Kenga Yekile 21:3, 4.] Magazine ɛhye kile ninyɛne nsa mɔɔ ɔti ɔwɔ kɛ awie kɔ zo tɛnla aze ɔnva nwo kɛ debie ɛlɛgyegye ye la.”