Edwɛkɛ Mɔɔ Yɛbaha La Neazo

Fa bɔ Baebolo ɛzukoalɛ bo wɔ Folɛ mɔɔ lumua wɔ March

“Yɛva mekɛ ekyi yɛra wɔ ɛke ɔlua debie mɔɔ bazi wɔ April 14 la ati. Zɔhane kenle ne a bɛbahakye Gyisɛse ewule ne a. Bie mɔ bahakye mekɛ ne ɔluakɛ bɛte nganeɛ kɛ ɛnee ye ewule ne hyia. Bie mɔ noko ɛnnwu nvasoɛ mɔɔ wɔ Gyisɛse ewule ne azo la. Ɛnea a Gyisɛse ewule ne le nvasoɛ maa wɔ ɔ?” Maa ɔbua. Fa March 1 Ɛzinzalɛ Arane ne anzi la kile ye, na bɛbɔ nu bɛzuzu edwɛkɛ mɔɔ wɔ kpuyia ne mɔɔ lumua la abo yɛɛ ngɛlɛlera mɔɔ wɔ nu la ko anwo. Fa magazine ne maa ye, na yɛ ngyehyɛleɛ sia kɔ na bɛzuzu kpuyia mɔɔ doa zo la anwo.

Ɛzinzalɛ Arane March 1

“Menli dɔɔnwo ɛnnwu deɛmɔti Nyamenle ɛtɛmanle nzisi nee amaneɛnwunlɛ mɔɔ wɔ ewiade ye anu abo ɛtɛpɛle la. Ɛdwenle kɛ kɛmɔ Nyamenle ɛndwenle nwolɛ anzɛɛ ɔte nganeɛ kɛ ɔwɔ kɛ alesama nwu amaneɛ la ati ɔ? [Maa ɔbua. Akee kenga Dwɔn 3:16.] Menli dɔɔnwo ka ngyehyɛnu ɛhye anwo edwɛkɛ fa kile kɛ Nyamenle dwenle yɛ nwo ɛdeɛ, noko bɛnze kɛzi Nyamenle ara ne ewule ne amgba boa bɛ la. Magazine ɛhye kile kɛzi Gyisɛse ewule ne maa ɔyɛ boɛ kɛ nzisi nee amaneɛnwunlɛ bo bapɛ wɔ azɛlɛ ye azo la.”

Awake! March

Yɛva mekɛ ekyi yɛra ɛke kɛ yɛmaa menli aye adwenle ɛtane mɔɔ bɛlɛ wɔ Baebolo edwɛkɛ ɛhye anwo la. [Kenga Mɔlebɛbo 1:1.] Bie mɔ die di kɛ bɛbɔle ewiade, bie mɔ noko ɛnlie ɛnli. Ɛbahola wɔahile wɔ adwenle ɔ? [Maa ɔbua.] Ɔgyegye menli dɔɔnwo kɛ bɛbalie abɔdeɛ bɛali ɔluakɛ asɔne mgbanyima kilehile mɔɔ Baebolo ne ɛnga nwolɛ edwɛkɛ la. Magazine ɛhye maa yɛnwu Baebolo ne ngilehilenu kpalɛ mɔɔ fane ewiade ne mɔlebɛbo nwo la.”