Bɛboa Bɛ Bɛmaa Bɛ “Diedi Ɛgyinla Kpundii”

Ɔyɛ anyelielɛ kɛ yɛnwu kɛzi Gyihova ɛlɛyila menli anloaboɔboalɛ ne azo, na ɛvolɛ biala bɛsɔne menli mɔɔ bo mgbe ngyɛnu nna la. (Mɛla 28:2) Saa nolobɔlɛnli boa sukoavo bie maa bɛsɔne ye a, nolobɔlɛnli ne bahola anyia adwenle kɛ ɔwɔ kɛ ɔgyakyi debiezukoalɛ ne na ɔkɔ zo ɔboa awie fofolɛ. Sukoavo ne noko banyia adwenle kɛ ɔgyakyi debiezukoalɛ ne amaa yeanyia mekɛ dɔɔnwo yeahɔ daselɛlilɛ. Noko akee, ɔhyia kɛ Baebolo sukoavoma gyinla kpundii wɔ nɔhalɛ ne anu. Ɔwɔ kɛ ‘bɛsosɔ ndinli’ kpalɛ wɔ Kelaese anu na “bɛ diedi [gyinla] kpundii.” (Kɔl. 2:6, 7; 2 Tem. 3:12) Ɛhye ati, saa bɛsɔne nolobɔlɛnli bie a, ɔwɔ kɛ ɔtoa ye Baebolo ɛzukoalɛ ne azo kɔkpula kɛ ɔbawie Baebolo ne Kilehile nee “Nyamenle Ɛhulolɛ” mbuluku nwiɔ ne sukoa la.​—Nea April 2011 Yɛ Belemgbunlililɛ Gyima, mukelɛ 2.